شيخ العسكر - كمان مرة

نشرت هذا البوست فى يوليو 2006...و أعتقد بعد ماحدث مؤخرا...كان لابد أن أعيد نشره

..........................................................................................

من دلائل ضعف أمة تدنى مستوى علمائها..وللأسف تمر الأمة الاسلامية حاليا بأسوأ مراحل ضعفها..ويتجلى ذلك فى كون "الشيخ" محمد سيد طنطاوى هو للأسف الواجهة الرسمية للمسلمين..وقبل ما أكمل ياريت ماحدش يفهم من كلامى انى باتكلم عن موضوع يهم المسلمين فقط..ولكنه يهم المسلمين والمسيحيين الغير متزمتين على السواء..فقد اعتاد الناس حين تخذلهم قياداتهم الرسمية أن يلوذوا بقياداتهم الدينية..فاذا خذلتهم أيضا فسيصير ظهرهم فى اتجاه الشارع أو فى اتجاه مشايخ الأرصفة الذين لايعلمون عن الدين أكثر مما يعلمون عن السواك وفوائد حبة البركة
يفعل ذلك الأخوة المسيحيون - ولو انها بايخة حكاية الأخوة دى-..مشيها المسيحيون على طول من غير تعبيرات الحكومة..وعلى قدر معلوماتى لايخذلهم البابا شنودة..فهو فى أضعف الايمان ان لم يتخذ موقفا اعتكف فى الدير مبديا تعاطفا...أما المفترض أنه حاليا الامام الأكبر للمسلمين فقد تفرغ لصراعات الوظيفة..وضرب الصحفيين..وفتاوى الحكومة ديليفرى....وكل ده كوم وانه يخطب الجمعة اللى فاتت فى الأزهر-أكبر جامعة اسلامية فى العالم- ليسفه المقاومة ويمنح صكوك البراءة لأصدقائه اليهود وينسخ كلمات رؤسائه عن الفوضى الهدامة والبناءة ( حد فاهم يعنى ايه فوضى هدامة؟ ) ويصف حسن نصرالله بالمقامرة وجنون العظمة بل ويتواتر أنه سب المتظاهرين بعد الصلاة ونعتهم بأقبح الألفاظ المتمشية مع تعليمات أمن مصر الجديدة وشرم...لما توصل الأمور لكده يبقى لازم نعرف الراجل ده بيمثل مين ولا بيمثل على مين؟
طب حد يفهمه غلطه ياخوانا..حد يقول له انه لابس عباية لبسها قبل منه رجال بحجم محمد عبده والشيخ شلتوت والشيخ عبدالحليم محمود والشيخ الغزالى عليهم رحمة الله..يبقى ماينفعش يوسخ العباية فى الجرى ورا فتاوى البنوك وشهادات الاستثمار والمجلس القومى للمرأة والخنوع للأجانب لاعتبارات سياسية...ماينفعش يلبسها وهو بيحضن حاخام اليهود فى قلب الأزهر و بيقول الفلسطينى مش شهيد...ماينفعش اللسان اللى المفروض يدعو الناس يدعوا عليهم..ماينفعش بدل ما تدعو للمقاومة بالنصر انك تدعوهم للتريث والخنوع ..ماينفعش ياعم الشيخ
يا مولانا انت عارف المصريين كانوا مسميين فضيلتك ايه قبل كده؟ محمد سيىء طنطاوى
طب حايسموك ايه تانى؟
يامولانا...أنت بما تفعله لا تصلح شيخا للأزهر...ونخشى عليك أن يحولونك الى شيخ للعسكر

يا خالد روح قول لابوك ميت مليون بيودعوك

كان الهتاف باكياً، كانت أمي تنتحب، كان والدي حيا، وجدي حياً، رب ارحمهما كما ربياني صغيراً، لماذا يا أمي كل هذا البكاء، إحساس فادح باليتم تلفعت به تلك الشابة السمراء فوق طرحتها السوداء وهي تمرق من بين الصفوف، تقطع الشارع الجديد، الذي يخترق بلدتنا الوادعة علي نيل الدلتا، لتودع حبيبا ألفته، الوداع يا حبيب الملايين.
تقاس الجنازات بطولها، كانت أطول جنازة تشهدها بلدتنا، كنت صغيراً لا أعي أنني أسير مع السائرين، فوق كتف أمي أتطلع لكل هذه العيون الدامعة، دمعة علي فراق أب عطوف، أخ كبير، إنسان عزيز، عبدالناصر أب كل هؤلاء، شقيق كل هؤلاء، إنه حتي لا يعرف أمي، كنت محظوظا وأعرفه، كان اسمه يتردد بين الفتية حين يشتد المضمار، كانت جائزة سباق الجري (الرمح) أن يلقب الفائز بابن عبدالناصر، كان الانتساب لناصر جائزة، ويستصرخونك «لو أنت ابن عبدالناصر بصحيح تقفز الترعة من الشط للشط» كانت قفزة هائلة، قفزة عبد الناصر، في الجنازة عرفت اسم ابن عبدالناصر.. إنه خالد، كانوا ينادون عليه في صوت واحد، صوت الوطن في تجليه الأعظم «يا خالد روح قول لأبوك ميت مليون بيودعوك» ولانزال نودعه حتي الآن.
لو لم يوجد عبدالناصر لاخترعناه حبا، ولولا المرتزقون المتنطعون زوراً وبهتاناً باسمه لكان حبه خالداً في القلوب، لم يسئ إلي ناصر قدر نفر من الناصريين، ولم يشوه ناصر سوي نفر من الساداتيين أيضاً، ولم يبتدع الخلافات من حول ناصر سوي هؤلاء الذين ظلموه بالتقديس حياً وميتاً.
ناصر حالة زعامة مدهشة، لاتزال أسرارها مغلقة علي ما فيها كأسرار الفراعنة، عبدالناصر كان فرعوناً، ناصر لا تفيه شرحاً الكلمات الكبيرة من قبيل الوحدة وعدم الانحياز وتحدي القوي الأعظم وطرد الملك وجلاء المحتل، سبر أغوار العلاقة التي تجذرت بين ناصر والبسطاء هي ألق ناصر الخاص، الوقوف علي أهداب تلك العلاقة كالوقوف علي أهداب الرموش تطرف العين فلا تري كيف صار الحب نهراً جارفاً.
ناصر الثورة حالة، وناصر العروبة حالة، وناصر الهزيمة حالة، لكن ناصر والبسطاء أكثر من حالة،استثناء، ظاهرة، بالله عليك كيف خرج كل هؤلاء النسوة من خلف الرجال من قعور البيوت ليودعن حبيب الملايين، هناك سبب أخرجهن، بالطبع لم يخرجهن الاتحاد الاشتراكي، ولسن من نسوته، ولم ينظمهن التنظيم الطليعي، ولسن من حريمه، خروج من أجل الحبيب، ناصر كان حبيباً.
ليس شرطاً أن تكون ناصريا لتحب ناصر وتعلق صورته في غرفة النوم، شاهدت صوره في البيوت الشيعية في جنوب لبنان، بعضنا يضع صورته أبيض وأسود مطلاً علي الجماهير علي شاشة هاتفه المحمول، شباب الجروبات والمدونات يتداولون تلك الصورة الشهيرة بينهم، بعضهم سمع عن عبدالناصر، حتي بعضهم سمع عن السادات، ولكن الحب كالكره لا تمحوه الأيام، ينتقل كالجينات من جد إلي سابع جد، سيأتي جيل بعد قرن من الزمان يذكر يوم ٢٨ سبتمبر - يوم وفاة الزعيم بكل خير

...................................

حمدى رزق - المصرى اليوم

صباح الخير يا "مدينتى"...صباح الخير يا "رحاب"..

واحد منهم دفع الملايين ليتزوج إحداهن في القاهرة، وواحد منهم دفع الملايين ليتخلص من إحداهن في الخليج ، وثالث دفع الملايين ليفلت من جريمته في سفاجا، ثلاثتهم وغيرهم مستعدون لدفع الملايين في كل وقت ولأتفه الأسباب: نزوة، عاطفة، شهوة، تغور البلد في ستين داهية.
إلي متي يظل هؤلاء قابعون في حجر الدولة، جاثمين علي قلبها، لماذا؟ تدفع الدولة لهؤلاء ثمن نزواتهم وشهواتهم ومغامراتهم، الدفع يجوز مرة، من كرم الدولة، الدولة كريمة قوي مع البعض، لكن الدفع علي فترات، مرات ومرات، هذا كثير، ابتزاز.
مين دول، ولاد مين في البلد، حتي تدفع لهم الدولة ثمن الولاء، بيشتغلوا إيه، داينين الدولة بإيه، كاسرين عين الدولة بإيه، بيخوفوا الدولة بإيه، بيصرفوا علي الحزب مثلا؟ لو نار ما أحرق أحدهم مكانه، سوءات هؤلاء وعوراتهم التي يبينون ولا يختشون فوق احتمال النظام .
أي نظام لا يحتمل تلك النماذج الشائهة المشوهة التي لا ترعوي لقانون، النظام أدمن التجارة في الخسارة، يتاجر مع هؤلاء في الخسارة وهم الرابحون. تستغرب، من أين أتوا، وتحت أي جدار كانوا يختبئون، خرجوا علينا جماعة بليل، اقتسموا الفريسة من أربع، هذا أمسك في الحديد، وهذا تخصص في العقارات، وثالث في الاتصالات، ورابع زايد علي لحم الغلابة المستورد من السودان الشقيق، صاروا يسلِّعون كل شيء، ويتاجرون في كل شيء، من الإبرة إلي الصاروخ، شروا الوطن جملة، بضاعة، بثمن بخس دراهم معدودة.
لا تعرف لهم أصلا ولا فصلا، وفجأة وفي غفلة أطلوا علينا من شرفة القصر، وألحوا، وتحولوا من أصفار إلي أرقام، والأرقام تحولت الي مليارات، وبورصة وعقارات ومدن في الصحراء، والمتر برخص التراب، والتراب تحول إلي ذهب، عيال كانت بتلعب جنب حيطة الوطن تحولوا إلي كائنات ديناصورية، لو تأخروا في الصحيان مبكرا في مارينا أو لو راحت عليهم نومة في الريتس بباريس اهتزت أعصاب الوطن

تسمع عجبا، شائعة هروب أحد هؤلاء تهبط بالبورصة إلي أسفل، ويرتعد الاقتصاد المصري ويرتبك، ويتصل نصف وزراء الحكومة الذكية بالعبقري الهارب يطلبون العودة علي جناح السرعة، ويتشرط، ويطلب ضمانات بعدم التسليم في جريمة في قطر عربي شقيق، وقد كان
ماذا يجني النظام من وراء هؤلاء علي وجه التحديد؟ ماذا يستفيد النظام من التصوير مع هؤلاء؟ هل يقتسم الغلة معهم بعض المتنفذين؟ وإلا ما معني الإغداق النظامي علي من لا يحسنون التعامل مع النعمة، بطرا يقذفون بها في الوجوه، عاجزون عن إدراك معني ثقة النظام فيمن هم ليسوا أهلا للثقة.
رجل الأعمال مثل عذراء القبيلة، كلمة واحدة تخدش شرف العذراء فيسيل علي جوانبه الدم، وشائعة واحدة تحفر قبر رجل الأعمال فتدفنه علي قيد الحياة، لكن هؤلاء صاروا محصنين، بيخرجهم النظام من المصائب كالشعرة من العجين، لا يهمهم الشرف في كثير أو قليل، يفجرون بها ويلهون ويلعبون ويشربون أنخابا في صحة النظام، يعود من مكمنه فيجد في انتظاره تليفزيون الدولة مفروشا، وصباح الخير يا وطن.

باينها خربت خلاص

ذكرت مصادر عليمة ل'الأسبوع‮' ‬أن شركة فرنسية كبري بدأت ممارسة نشاط خفي في مصر منذ نحو ستة أشهر يهدف إلي تأمين الهروب السريع لرجال الأعمال والشخصيات المسئولة في حال وقوع أزمات أو أحداث كبري في البلاد‮.‬وقالت المصادر إن الشركة التي يطلق عليها‮ '‬شركة الهروب السريع المؤمن‮' ‬افتتحت لها
عدة مكاتب بالقاهرة والإسكندرية والأقصر وشرم الشيخ كفروع لشركات أجنبية تجارية،‮ ‬تعمل في مجال التوكيلات والاستيراد والتصدير‮.‬. وأشارت المصادر إلي أن الشركة التي تعتمد في نشاطها علي طاقم مصري محدود وشخصيات فرنسية وأجنبية لها خبرة بالأوضاع السياسية والاقتصادية والأمنية في مصر بدأت في إجراء اتصالاتها بعدد من كبار رجال الأعمال والشخصيات المسئولة التي تسعي إلي عملية تأمين هروبها من مصر في لحظات الخطر‮.‬وقالت المصادر‮: ‬إن قيمة الاشتراك الأولي للفرد تصل إلي ‮٤٤ ‬ألف دولار نظير انضمامه إلي قائمة المستهدف تهريبهم في حين تشترط الشركة حصولها علي نسبة ‮٥‬٪‮ ‬من قيمة الأموال والممتلكات التي سيجري تهريبها أو التصرف فيها أثناء فترات الأزمات‮.‬وعلمت‮ '‬الأسبوع‮' ‬أن القائمة ضمت حتي الآن ‮٠٠٢ ‬شخص من كبار المليونيرات ورجال الأعمال مع ذويهم،‮ ‬وأن من بين الأسماء شخصيات يثور حولها جدل إعلامي وسياسي واقتصادي كبير بالبلاد‮.‬وقد قامت الشركة بحصر الأموال السائلة والمنقولة والممتلكات بشتي أنواعها للمدرجين علي القائمة،‮ ‬بحيث يجري نقل هذه الأموال أو بيع هذه الممتلكات في ساعات محدودة لشركات أجنبية كبري مع ضمان نقل هذه الأموال للمكان الخارجي المستهدف نقل الهاربين إليه‮.‬وقالت المصادر‮: ‬إن الشركة نصحت جميع عملائها بأن تكون لهم بيوت بالقرب من مطارات القاهرة أو الإسكندرية أو شرم الشيخ أو الأقصر تباعا‮ ‬للإقامة وأن يبقوا دائما في حالة استعداد للسفر المفاجئ والسريع بأن يتم تجميع حاجياتهم الأساسية وأوراقهم المهمة في حقائب يسهل جمعها بسهولة،‮ ‬وأن تكون لديهم هواتف نقالة خاصة يسهل الاتصال بهم عليها وقت الحاجة‮. ‬وأشارت المصادر إلي أن الشركة أبدت استعدادها لاتمام عمليات منح الجنسية واستخراج جوازات سفر أجنبية للراغبين من كبار المليونيرات الذين انضموا لقائمة المستفيدين من نشاط الشركة في التهريب السريع إلي الخارج‮.‬وأشارت المعلومات إلي أن من بين الشخصيات التي انضمت إلي القائمة رجال أعمال عربا وأجانب يعملون في مصر ولديهم ممتلكات كبري،‮ ‬وهؤلاء سوف يجري تهريبهم إلي بلادهم في حال وجود مخاطر حقيقية تهددهم أو تهدد ممتلكاتهم واستثماراتهم في مصر‮.‬وقد حصرت الشركة الفرنسية حوالي ‮٠٤ ‬طائرة خاصة ترابض في مطار القاهرة ويمتلكها عدد من كبار رجال الأعمال والمسئولين في مصر لوضعها تحت تصرف الشركة وقت الأزمات،‮ ‬كما ستجري الاستعانة بطائرات الشارتر لهذا الغرض‮.‬وتقول المصادر‮: ‬إنه بالرغم من استقرار الأوضاع في مصر إلا أن خطاب الشركة مع العملاء يقوم علي أساس التحرك في حال حدوث تحول سياسي أو اقتصادي في البلاد من شأنه أن يهدد مصالح المليونيرات من كبار رجال الأعمال والمسئولين‮.‬ويري بعض المراقبين أن عدم وجود آلية محددة لانتقال السلطة بشكل سريع في البلاد يعزز من خطاب الشركة في إقناع المليونيرات الجدد خاصة هؤلاء الذين تحوم الشبهات حول مصادر ثروتهم التي تعدت المليارات في سنوات قليلة‮.‬

ومنذ متى كان رجلا؟

«إذا دعوتموني سآتي».. ما نسبته صحيفة «يديعوت أحرونوت» الإسرائيلية، إلي وزير الثقافة فاروق حسني، من استعداده لزيارة إسرائيل، نكبة في الذكري الستين للنكبة، يقول حسني للصحيفة: «مستعد لزيارة إسرائيل، بشرط التحضير الجيد لمثل هذه الزيارة بكل تفاصيلها، بالنظر إلي الاعتراضات التي ستثيرها في مصر».
الوزير حسني يعلم تبعات تلك الزيارة ثقافياً، وخطورتها سياسياً، فقط يطلب التحضير الجيد، الإفطار: زبد طازج علي توست ساخن من إنتاج أول كيبوتس إسرائيلي أقيم علي أنقاض قرية فلسطينية سنة ١٩٤٨، الغداء: خضار مسلوق بمياه البحر الميت، نسبة الملوحة في البخر تساعد في تليين مفاصل الوزير المتيبسة، العشاء علي ضوء الشموع في فندق الملك داوود بالقدس، شموع دامعة علي هيئة رضع فلسطينيين لا يجدون حليباً.. جف ضرع العرب.
زيارة حائط المبكي، البكاء نحو خمس دقائق بدموع مصطنعة، ياموكة يهودية سوداء تغطي صلعة بادية في مؤخرة رأس الوزير، محاضرة في جامعة حيفا، توقيع بروتوكول تعاون ثقافي يسمح للإسرائيليين بالبحث في «تل بسطا» عن جذور يهودية في الحضارة الفرعونية، يعقبه توقيع أول ترجمة عبرية لأول إصدار من مشروع «القراءة للجميع».. الدولة العبرية تدرس المشروع بعمق، ستسطو عليه.
عد الجروح يا ألم، سعادة الوزير لا تحتاج إلي دعوة جديدة، عد الدعوات التي في مكتبك من أيام الوزيرة شالوميت ألوني، أحلامك أوامر، الدولة العبرية في انتظارك، طائرة العال في المطار، زيارتك هي الأهم في الاحتفالية الإسرائيلية بمرور ٦٠ عاماً علي النكبة، مكافأة سخية لسفاكي الدماء، زيارة ثقافية للاطلاع علي الأعمال العبرية الكاملة.. ستون عاماً من الشتات إلي الاحتلال.
الوزير باع القضية بثمن بخس دراهم معدودة، بمقعد مدير اليونسكو، صدقني قعدتك في وسطنا علي مقهي شعبي أشرف ألف مرة، تفتخر دوماً بأنك خادم للمثقفين، ممكن تخدمهم في تلك القضية العادلة.. لا تزر إسرائيل، بلاها يونسكو، شرف انسحابك من سباق المرشحين إلي تل أبيب، ستدخل التاريخ، الفرصة مواتية.
حسني صريع اليونسكو، لا تسقط تحت العجلات هكذا بسهولة، لا تقبل وردة تسيبي ليفني المعطرة، سيتم التحضير جيدا لهذه الفضيحة الثقافية، آخر مُعارض حكومي للتطبيع يسقط، الوزير الذي رد نتنياهو علي عقبيه يأتي زاحفاً علي ركبتيه، من قطع أرجل الإسرائيليين من الأهرامات، جاء يسعي لبناء أهرامات التعاون المستقبلي.
إلا الورقة الثقافية، حارت تل أبيب ودارت حول نفسها لتنفذ إلي الثقافة المصرية، لم تتمكن، عقدان كاملان أو يزيد وحسني يقف لها بالمرصاد، الوزير رفض عددا من الدعوات لزيارة إسرائيل بعدد ما تبقي من شعر رأسه، رأسه ناشف كالحجر في قضية التطبيع، كان جسورا وهو يقول: «إنها ورقة التوت الأخيرة، لن أكون وزير ثقافة التطبيع».
غفرنا للوزير كل هناته، وكل نزواته، وكل مهرجاناته، خاصة مهرجان المسرح الحديث، سامحناه علي كل سقطاته ولوحاته، فقط لأنه كان صلباً في رفض التطبيع، كنا رجالة ووقفنا وقفة رجالة.
(حتما سيكذّب الوزير «يديعوت أحرونوت»، نوع من الاستهلاك المحلي، الحقيقة المرة أن المرور إلي مقعد اليونسكو عبر تل أبيب.. لا تصالح سعادة الوزير!).

هو احنا صحيح بشر؟

ياريت كلنا نفوق ونعمل زيك

ياحلوة يا بلحة يا مقمعة

بصراحة كده كتيرررررررررررررررررر

كده حرااااااااااااااااام

سيبوا لنا حاجة نعيش بيها

..................................

المصيبة ان بيقول لك لغاية دلوقتى مش لاقيين فكة ال 100 جنيه اللى دفعها الريس

مالقوش غير 30 جنيه واضطروا يدوا الموظف بخمسة جنيه كبريت ولبان سمارة

زبون

غاز
فى يوم 1 مايو 2008 اختارت حكومتنا-أو بالأدق نظامنا الحاكم- بدء ضخ الغاز الطبيعى المسال الى الكيان الصهيونى المسمى اسرائيل....عيد العمال أصبح عيدا للاستندال ...غزة تغرق فى الظلام ونحن نصدر الغاز لاسرائيل لكى تظل شوارعها مضاءة و مرافقها العسكرية – وكل مرافقها عسكرية – تعمل بكامل طاقتها فى سحق الفلسطينيين.....دى لوحدها مصيبة
المصيبة التانية ان احنا بايعين لهم الغاز بعقد احتكار عشرين سنة بسعر مدعم..حوالى 15 % من السعر العالمى..أصلنا بندلل على الغاز بتاعنا ومش لاقيين نوديه فين ( خبر : غازنا حاينتهى بعد 12 سنة)..نقوم نهادى بيه الأحبة... نهادى بيه حسين باشا سالم ملك شرم الشيخ و موفنبيك والجولف واللى منه...يقوم حسين باشا مهادى بيه اسرائيل عن طريق شركة من شركاته ( باعها مؤخرا للأمريكان بعد أن أدت دورها)....الجميل بقى ان لما الصحافة الوحشة المغرضة عملت شوية مانشتات سخنة عن الموضوع لزوم البيع والتوزيع راح رئيس العصابة طالع لنا بتصريح ان الحكومة بتحاول مع اسرائيل رفع السعر قليلا....يعنى والنبى ياختى ربنا ما يرميكى ف ضيقة ادينى كام سنت زيادة أشترى بيهم أندروير أتغطى بيه أحسن فضيحتى بقت بجلاجل
ياسلام؟
يعنى دى محاولة من الحكومة لترسيخ مبدأ البيع وتمريره فى العقل الجمعى للمصريين..الحكومة عايزة تقول للمصريين : انتوا مش "رغيتوا" فى سعر البيع..أدينا زودناه...عايزين ايه تانى ياظلمة؟ وهو فى الواقع منطق حكيم..يذكرنى بمنطق العاهرة التى ظبطها أبوها عريانة ع السرير مع واحد ولما طلع مسدسه عشان يموتها وقفت حاطة ايدها فى وسطها وقالت له ببجاحة : "مش تعرف الأول الزبون حايدفع كام؟

..........................................

قضاء
هانى سرور خد براءة..خبر قديم ( انظر البوست السابق)....الخبر الجديد بقى ان المستشار اللى أصدر حكم البراءة مش هو القاضى الأصيل للقضية..ليه بقى ؟ لأن المستشار الأصيل للقضية أحمد عزت العشماوى مات... و أثناء نظر القضية...وبعد أن حبس هانى بيه وجماعته احتياطيا و دخلهم القفص... هذا الرجل الصلب النظيف الذى اشتهر بلقب عدو الفساد ....فجأة جاله مرض غامض كان نتيجته تسمم فى الدم اتنقل بسببه مستشفى شهير فى المهندسين-مشهور بصفاء الجو و ملكيته لأحد وزراء الحكومة- قعد فيه شهرين ومات..ماحدش عارف ليه ومنين وازاى....عيلته بقى لما الفار لعب فى عبها وتحرت فى الموضوع يبدو أنها توصلت الى أشياء جعلتها تنشر نعيه فى ذكرى الأربعين بادئا بالأية الكريمة : "لاتحسبن الذين قتلوا فى سبيل الله أمواتا..بل أحياء عند ربهم يرزقون" .. وتنهىه بقوله تعالى : " ولكم فى القصاص حياة يا أولى الألباب".....صدق الله العظيم
هانى بيه سرور بقى طلع فى صوت الأمة يقول بالفم المليان : "أنا ضحية مؤامرة...و أنا كان مخطط لى أهرب بره مصر بعد أول جلسة..بس اتعرضت لخدعة..فاضطررت أبقى لأواجه مصيرى"...أول مرة فى حياتى أسمع متهم بيعلن بكل بجاحة انه كان مخطط يهرب بره مصر من أول جلسة..ايه الجبروت ده؟ ومين بقى أعضاء تنظيم الهروب ده؟ وطبعا الخدعة انك اتحبست فاضطررت للبقاء..صح؟
بس عموما الغلط مردود ياباشا...و أهو القاضى اتسم...قصدى جاله تسمم فى الدم....ومات...وجه قاضى ضد التسمم..والقفص اتفتح وكله بقى تمام..ورجعت المجلس الموقر وصقفوا لك على واحدة ونص
لو الكلام ده كان من عشر سنين ماكانش ممكن أصدق..لكن دلوقتى باقول ان ده أقل واجب..وبعدين احنا مالنا؟..احنا حانكون أولى بيه من أخوه الدكتور هانى العشماوى-كبير أطباء السكة الحديد- اللى قالوا انه زار وزير العدل عشان يتبرأ من الأقاويل المغرضة و يؤكد ان كله تمام..وعزت مات طبيعى..والحى أبقى من الميت..وأنا برضه دكتور حكومة و فاهم الدنيا.......وعجبى

هو صحيح يادكتور بيع الدم بيكسب قوى اليومين دول؟

..........................................
تربية وتعليم
بدعة سودا انتشرت فى السنين الأخيرة اسمها حفلات البروم فى المدارس الخاصة..الولاد يلبسوا اللى ع الحبل والبنات يلبسوا عريان ويجيبوا مغنى أو مغنية وحفلة فى فندق و شوية صور وهلس ومسخرة..وخلاص
قال يعنى توديع للمدرسة والزملا قبل دخول الجامعة
الجديد بقى السنة دى هو ان الست الرقاصة الدكتورة دينا راحت رقصت فى حفلة "الكوليدج دى لاسال" فى أحد الفنادق الكبرى..وطبعا دينا ماتتوصاش..والعيال هاتك يا تصوير فيها من قدام ومن ورا..مع تظبيط الزوووم ع الأخر..وقامت الدنيا ولم تقعد..وجرى احد المحامين اللى ماسابش حد ف مصر الا ورفع عليه قضية وراح رازعها بلاغ للنائب العام هى والمدرسة والوزارة..
قصتى مش فى البروم ولا المدرسة ولا التربية والتعليم....ده كله بخ من زمان..أنا اللى عايز أفهمه..هو مافيش غير دينا؟
ماتغيروا الصنف بقى...دى حتى بقت قديمة قوى ...مش كل فرقيعة فيها دينا
حسام أبو الفتوح و سيديهاته تلاقيهاا...خناقات مع أثار الحكيم تلاقيها..... رقص فى وسط البلد وتحرش جنسى تلاقيها....حفلات فى مدارس العيال و بلاغات للنائب العام تلاقيها
هى ايه؟
ندر وبتوفوه؟

............................................
سوبر ماركت
توقفت بعربة مشترياتى أمام احدى الكاشيرات فى أحد فروع مترو ماركت .... حسبت السيدة مشترياتى بالباراكود و طلبت مائة وثلاثة وعشرون جنيها ونصف....ناولتها مائة وثلاثين.....أعادت الى خمسة جنيهات و انشغلت فى وضع حاجياتى فى عدة شنط بلاستيكية تحمل شعار المحل..ثم نادت أحد عمال الخدمات قائلة له بلهجة أمرة : " مع الباشا لغاية عربيته"..ثم أتحفتنى بنصف ابتسامة ونظرت الى من بعدى
حين رأتنى أنظر فى ايصال الحساب و أتساءل بعيناى عن مصير الجنيه ونصف الذى لم أسترده..تنحنحت قائلة فيما يشبه الضيق : معلش ياباشا مافيش فكة..ممكن حضرتك تستنى جنبى شوية لما تيجى فكة ..أو تاخدهم المرة الجاية ماهو حضرتك زبون المحل
من البديهى أن تفهموا أنى باعتبارى "باشا" زى ما قرطستنى وحفاظا على برستيجى من الوقفة جنب الكاشير – خصوصا ان اللى ورايا كانت ست حلوة قوى وكلاس- تمتمت قائلا : مش مشكلة .. حاجة بسيطة.....وانصرفت مختارا الحل الثانى باعتبارى "زبون المحل"..علما أنها كانت أول مرة أدخل هذا الفرع و أرى هذه الكاشيرة..
ولكنى حين سمعت "بوس الواوا" تصدح مجسمة عبر أحد الموبايلات..و التفت لأجده موبايل الكاشيرة ال "ان 95" أبو ثلاثة الاف وخمسمائة جنيه.....أدركت أنى لم أكن زبونا للمحل...بل زبونا للست الكاشيرة

......................................................
استقلال
الحقيقة مش قادر أفهم المندبة اللى شغالة اليومين دول ع المدونات عند نوارة ورامز وغيرهم بخصوص خطبة بوش ابن بوش فى الكنيست الاسرائيلى..ووصفه لمناسبة قيام اسرائيل بأنها "يوم الاستقلال" و اعتباره الفلسطينيين ارهابيين وقتلة أطفال.
ايه الجديد يعنى؟
ماهو ده بوش وهى دى أمريكا..ايه الجديد علينا يعنى؟
ع الأقل الراجل صريح...بيقول قدام الكل اسرائيل عشيقة أمريكا.....واسرائيل بتتأوه تحت منه بكل غنج قدام العالم كله
ايه مشكلتنا احنا بقى؟
ماهو حاجة من اتنين:
أول احتمال : اننا غيرانين من اسرائيل ع الزبون...يبقى لأما نروح نعمل نيو لوك وشد ونفخ والذى منه عشان نعجب ( ودى بنحاول فيها و مش نافعين).....أو نمسك الفوطة ونستنى لما يخلص ويستحمى ننشف له وناخد دورنا
ثانى احتمال : ان الشرف والكرامة واخدانا...يبقى لأما نمسك الاتنين عريانين ونلفهم بالملاية ونسكعهم جوز أقلام واحنا بنشدهم ع البوكس...... أونتلم بقى و ندور كلنا على طرابيش مقاسنا تدارى القرون المنبتة فى روسنا

أه ياراسى

ميزان فيفى عبده

ميزان مايل رقم1

كفة أولى

تجرأ بعض المرضى النفسيين فى الدنمارك و هولندا على رسول الله أفضل خلق الله جميعا وعلى الاسلام...وساندتهم حكوماتهم الغير مسلمة بالطبع... فهاج المسلمون هياج القطيع الفوضوى..بينما تعاملت الحكومة بحذر وخوف وجبن مع الأمر...وانبرت الصحف الملونة مثل الفجر و صوت الأمة والدستور والصحف العميلة للجنة السياسات مثل روز اليوسف فى تدبيج مقالات الدفاع عن حرية الرأى و حق التعبير وأن الرأى يقابل بالرأى والعلم لايكيل بالباذنجان..وأن النظرة النقدية التحليلية للرسومات توضح ان الراجل الدنماركى مايقصدش ياخوانا..ده بس كان شارب كاسين زيادة وخلاص بقى سماح...وسافر الأخ عمرو خالد-الذى أكرهه قبل هذا السفر و بعده- برفقة الشيخ طارق السويدان –الذى كنت أحبه كثيرا- الى هناك عشان يقولوا لهم شوفوا احنا متحضرين ازاى؟ شوفوا احنا بناخد على خدنا اليمين وجايين نديكوا خدنا الشمال وقفانا كمان ازاى؟ تشيك هاندز ياخواجة
كفة ثانية
سافر المواطن المصرى القبطى نظير جيد -رجل الدين المسيحى المعروف فى الكنيسة المصرية باسم بابا الأقباط شنودة الى بريطانيا لافتتاح احدى الكاتدرائيات هناك ...على عينى وراسى.. بالتوفيق....وهو راجع بقى فى المطار اتقدم منه مسئولوا صالة كبار الزوار البريطانيين – المسيحيين- بمنتهى اللباقة طالبين منه التكرم بالمرور عبر البوابة الالكترونية المخصصة للكشف عن الأسلحة والمتفجرات....اجراء أمنى روتينى عادى.... تدخل المرافقون للرجل فى الموضوع على طريقة " انتوا مش عارفين بتكلموا مين؟ ".... ولما كان هذا القانون المصرى "مش عارف بتكلم مين" عملة غير قابلة للتداول فى أى بلد محترمة فقد رضخ الرجل فى النهاية ومر عبر البوابة ثم ركب الطيارة وعاد الى القاهرة. المفاجأة كانت فى رد فعل نفس الصحف المشار اليها فى الكفة الأولى وهو رد فعل متخلف وصل الى أن تصدر صحيفة الفجر التى يرأس تحريرها المناضل عادل حمودة و يؤجرها من الباطن للهجوم على المقدسات الدينية كاتب يدعى محمد الباز..خرجت تلك الصحيفة بمانشيت رئيسى يقول " دافعوا عن كرامة مصر بعد تفتيش البابا شنودة فى مطار لندن"...يانهار أسود..كرامة مصر؟ ايه علاقة كرامة مصر باجراء أمنى عادى يحدث فى كل مطارات العالم...وكانت فين كرامة مصر واحنا بنتضرب بالجزم فى دول الخليج وبنتقتل فى الموانى المصرية بايد الأمريكان و أطفالنا بتموت عالحدود بايد اليهود؟
الراجل عدى من بوابة..ولا فتشوه ذاتى ولا فتحوا شنطه ولا أى حاجة تمس كرامته ولا كرامة مصر...وعلى فكرة لغاية دلوقتى ماشتكاش ولا فتح بقه لا هو ولا أى مواطن مصرى قبطى فاهم ان دى هى الاجراءات الأمنية اللى بتحصل فى كل حتة فى العالم بعد 11 سبتمبر من أول سيتى ستار لغاية ألاسكا..وهى نفس الاجراءات اللى بتخليهم يفتشوا فى شعر دقن المسلم المصرى الملتحى وبتخلليهم يقلعوا المصرية المسلمة المحجبة طرحتها....اشمعنى دول مش كرامة مصر؟
المصيبة بقى لما حكومتنا الموقرة حبت تهيص وتزيط فى الزيطة..قام الأخ أبو الغيط –بتاع كسر رجل الفلسطينيين- رازع تصريح لولبى ان مصر حاتعامل أعضاء الحكومة البريطانية بالمثل لما ييجوا مصر...ده وزير خارجية بلدنا اللى بيقول كده....قام الانجليز من شدة احترامهم لمصر ودورها الريادى فى المنطكة خللوا موظف فى الخارجية البريطانية يرد ويقول ان بريطانيا ترحب بتطبيق القواعد الأمنية على جميع مسئوليها فى جميع أنحاء العالم لأن بريطانيا تدرك جيدا التحديات الأمنية على مستوى العالم..يعنى بالبلدى جينا نغيظهم ونهددهم بأسلوبنا البيئة قاموا ردوا علينا وقالوا لنا روحوا العبوا بعيد..... هو انتوا عشان بلد كوسة فاكرينا زيكم؟ ..........جتها نيلة اللى عايزة خلف



ميزان مايل رقم 2
كفة أولى
هانى سرور و أخته نيفيان وجميع شلة هايديلينا...............براءة
كفة ثانية
خيرت الشاطر وحسن مالك و أخرون...................... أشغال شاقة من 7 : 10 سنين و مصادرة أموالهم

والكفتين كانوا فى يوم واحد

ليه بقى؟
اتضح ان هايديلينا بتدعم الصناعة المحلية اللى مكسرة أسواق العالم و مخلية الأمريكان مرعوبين مننا...وبتدعم الفن المصرى حيث أن كريم عبدالعزيز بتاع خارج عن القانون متزوج من هايدى هانى سرور..وممكن هايديلينا تنتج له أفلام.....وكمان بتدعم خطة الدولة لتقليل الزيادة السكانية ...حيث أن أى مضاعفات تحدث - نتيجة جهل المريض طبعا- بتخصمه من تعداد المواطنين فورا......وبالتالى لازم ياخدوا براءة
أمال ايه كل اللى كان موجود فى قرار الاتهام ده؟
ظلم وافترا بعيد عنك....يعنى ايه قربة الدم غير مطابقة للمواصفات؟ هى مصر ماشية ع المواصفات فى ايه يعنى عشان تيجى على دى؟..... يعنى ايه الابرة تخينة شوية؟ ماهى خدمة لاخواننا المصريين الحلاليف أصحاب الجلد التخين...... أمال حالات الاغماء دى كانت من ايه؟ سوء تغذية ياباشا..دول ناس بيفطروا فول وحاجات مقرفة كده..مش بيفطروا زبدة و لاتيه وكورن فليكس بالعسل ليه؟.....ياعم دول بيقولوا ان كان فيه ميكروبات وبكتريا جوه القربة.....طب وهى يعنى الميكروبات جديدة علينا؟ ماكل حاجة فيها ميكروبات...ده حتى الميه المعدنية اللى بنغطس فيها فى الجاكوزى طلعت فيها ميكروبات..........براءة ياباشا ان شاء الله

أحلى حاجة عجبتنى فى الموضوع ده تقرير مصور عمله عمرو أديب يوم الحكم و جابوا واحد من هتيفة هانى سرور اتضح انه "نائب مدير مكتبه".. هو قال كده...المهم الراجل ده علق ع الحكم وهو بيجعر وقال ايه : " يحيا العدل...متشكرين للقاضى...متشكرين للريس حسنى مبارك...ماهو الريس أكيد كان ليه رأى فى القصة"....والله العظيم قالها كده

أما بقى خيرت الشاطر و حسن مالك بتوع شركات سلسبيل و كمبيوتر صخر و محلات موبيليا استقبال و غيرها فكان لازم ياخدوا الحكم ده...وأكتر منه كمان...دول حتى كانوا حنينين معاهم
يعنى ايه يبقوا متدينين؟ يعنى ايه يبقوا ملتزمين؟ يعنى ايه يقولوا ربنا الله؟ يعنى ايه يبقوا مليونيرات بالحلال و ياكلوا لوحدهم ومايدفعوش غير الزكاة والضرايب؟ هى سايبة ؟ هى تكية؟ ممكن بالفلوس دى يدعموا الاسلام..واحنا ياشطار دولة مواطنة ولسنا دولة عقيدة..... طب اشمعنى ساويرس؟ اخرس يابنى ماتوديناش فى داهية...ده تبع أمريكا...ده بيدعم الفن والمزيكا....ده بيكره الحجاب والمحجبات...هو فيه زى ساويرس؟

من كام شهر جت شرطة المسطحات فى المنيل تهد نادى نيلى لأعضاء هيئات التدريس...و جنب منه المسرح العائم بيعرض مسرحية لفيفى عبده ماجوش ناحيته...لما أساتذة الجامعة اعترضوا قالولهم بالنص : "لما تبقوا فيفى عبده نبقى نسيب النادى ومانهدوش"...عندهم حق الصراحة

ولذلك ..من واجبى أنصح خيرت الشاطر ورفاقه نصيحة مخلصة : وانتم فى السجن..اتعلموا تبقوا فيفى عبده.

ملعون فى كل كتاب يا داء السكوت

أشيلك ياضنايا شيل

و أعدى بيك ظلام الليل

أعدى بك بلاد الكون

و أخطى بك بحور الويل

وأشيلك بين عيونى شيل

أشيلك يا ضنايا شيل

أنا مايهمنيش اسمك

ولا لونك ولا رسمك

أنا شفت البكا ف عنيك

لقيت قلبى يحن عليك

وأشيلك بين عيونى شيل
أشيلك يا ضنايا شيل

.....................................

رجاء الضغط على الكلمات وقراءة الفاتحة لروح الطفل الطاهرة

...........................................

الكلمات : عوض بدوى

غناء : ايمان البحر درويش

6-أبريل-2008

طفى النور يابهية.......................كل العسكر حرامية

بجد مش عارف

أيهما أهم : وظيفتك أم كرامتك؟

أيهما أجدر بالاحترام : مبادئك أم مصالحك؟

أيهما أشرف : تشترى نفسك ولا تشترى عربية جديدة؟

أيهما أصدق : سيد درويش : عشان مانعلى ونعلى لازم نطاطى نطاطى

ولا على الحجار: عم بطاطا لذيذ ومعسل..عمره ماطاطا لغير الله

أيهما يمكن احتماله : افلاس مادى...ولا افلاس أخلاقى؟

للفقيدة الرحمة

طب أنا ممكن أفهم ان لما بلدى تذلنى..وأسافر بره عند أحفاد الحفاة العراة رعاة الشاه...مكن يطلعوا كل عقدهم الدفينة وسفالتهم الأصيلة فيا وفى اللى خلفونى....وممكن يضربونى بالكرباج...ويسحلونى....وفى الأخر ممكن يقتلونى ويرموا لأهلى كام مية ألف من اللى بيرموهم تحت رجلين عاهرات أوروبا وهما بيقلعوا لهم ملط فى السويت بتاعهم
ممكن أفهم ده من منطلق انى فى أرضهم...على ملعبهم يعنى...رايح لهم برجلى....وماقداميش غير حل من اتنين : يا أقبل و أسكت وأعيش عيشة الخدامين اللى أنا رايح أعيشها....يا أرفض و أبقى راجل ولو مرة فى عمرى ومادام هى موتة بموتة يبقى أموت راجل..ع الأقل عشان دود التربة مايقرفش منى.....أبقى راجل وأعمل زى الدكتور المصرى –أخر رمز للكرامة المصرية- اللى لما كلاب أل سعود اللى محتلين أرض الحجاز اعتدوا على شرفه قطع لهم ذكورتهم القذرة و عيشهم بقية عمرهم نسوان...ورجع بلده اتحامى فى راجل مصرى بجد كان وزير خارجيتنا ساعتها اسمه عمرو موسى
ممكن أفهم اننا ننبهر بالحلم الأمريكى المزيف و نجرى ورا البطاقة الخضرا والزرقا و الصفرا عشان نتعلق بديلهم...نولد نسواننا هناك عشان ولادنا ياخدوا جنسيتهم ....ولما نبقى وسطهم ونشوف الذل والهوان والعنصرية لأما نبقى برضه رجالة ونرفض لأما نحط "الشوز" فى بقنا ونسكت...ماحنا فى أرضهم وعلى ملعبهم..وصاحب البيت سيد البيت.
لكن
يدونا بالجزمة ليه على أرضنا؟ يقتلونا زى الكلاب ليه فى بلدنا؟
حاطين الجزمة ف بقنا وساكتين على تمييز الأجانب والعرب علينا بفلوسهم جوه بلدنا
عندنا أربع شهور بلدنا بتتحول فيه خدامة للعرب..أى جربوع بعقال و دشداشة ييجى فاكر كل رجالتنا ديوث وكل نسائنا عاهرات..بسبب أوساخنا من التاكسجية وسماسرة الشقق المشبوهة و أدعياء الفن ..وتحت زعم تنشيط السياحة ومهرجان السياحة والتسوق....أصبح لدينا سياح الكباريهات وسياح الشقق المفروشة وسياح الشذوذ الجنسى من أشباه رجال ونساء
عندنا منطقة كاملة اسمها جاردن سيتى مقفولة و مستعمرة بالقوات الخاصة وفرق المارينز الأمريكى و حرس السفارة البريطانية و الأمريكية
عندنا مناطق بالكامل ممنوع دخول المصريين فيها...منها مناطق عليها لافتة "ممنوع دخول المصريين والكلاب"
كل ده واحنا ساكتين..سكوت العجز والقهر وقلة الحيلة
لكن يضربونا بالرصاص الحى جوه بلدنا..وف قلب القناة...القناة اللى فرحنا لما أممناها ..جاية كلابهم تقول لنا حاتفضلوا طول عمركم عبيد
عامل أرزقى يتقتل بالرصاص الحى وهو أعزل...ينضرب عليه نار من جميع الاتجاهات عشان بينط فى فلوكة يبيع عليها للخواجة أبوعيون ملونة...رايح له فى القارب بيحلم بعشرة دولار يجيب بيهم يادوب كيلو لحمة لعياله....ياخد بدل العشرة دولار عشر رصاصات ترجعه جثة لعياله.....والاتنين التانيين ياعالم حايعيشوا ولا حايحصلوه ولا حايلبسوهم قضية أمن دولة يقضوا بيها بقية عمرهم فى جب الموت أرحم منه

................................................
أأأأأأأأأأأأأأأأأأأأأأأأأأأأأأأأأأأأأأأأأأأه يامصر
.................................................
اقروا الخبر ده
وتقبلوا معى العزاء فى الست سيادة ..وأختها المرحومة كرامة

تحديث

ده كمان الرصاص طلع محرم دوليا...بيعملوا فينا بروفة العراق وفلسطين ولا ايه؟

والراجل بعد ما اتدفن طلعوه وشرحوه ونقلوا التشريح بالأقمار الصناعية الى مستر بوش شخصيا....يافرحتكم يا أهل الميت..دى ما اتعملتش مع صدام حسين شخصيا

بس الحقيقة الخواجة بوش طلع حقانى...لما اتفرج على جتة الراجل المخرمة وهو بيتمشى وبيلعب جولف ماهانش عليه وما خلصوش....على طول بعد ما خلص وخد الشاور بتاعه وقبل ما يشرب الدرينك بتاعه والله....قام اتصل بالريس وقدم له التعازى...وخلاص بقى يابوجمال انتوا حاتحسبوه علينا بنى أدم؟ الفلوس أحسن منه

الا بالحق صحيح..احنا حانحسبه بنى ادم؟ مش كفاية بوش ذات نفسه عزانا و جاب اسمه على لسانه الطاهر؟ عايزين ايه تانى؟ شعب نمرود صحيح

اتنكدوا هنا

الصوان لسه منصوب

رحلة

انطلقت الميكروباص المكيفة من ميدان رمسيس فى الطريق للا سكندرية
كان السائق شابا صغيرا فى منتصف العشرينات...أدار الكاسيت بصوت صاخب :-
"دلعه يا دلعه..أهو ده اللى ماحدش منعه"
بدأ الركاب فى التذمر...فالوقت مبكر والطريق طويل...وقضاء ثلاثة ساعات مع هذا الازعاج ذى الصوت المرتفع عذاب
تبادل الركاب النظرات...وبدأوا فى رحلة التنهد والاستغفار ومصمصة الشفاه..كل هذا وهم ينظرون بعضهم لبعض فى انتظار المنقذ من بينهم الذى سيمتلك الشجاعة للحديث الى السائق
تشجع أخيرا أحدهم :- " والنبى يا أسطى توطى الصوت شوية"
ألقى السائق نظرة عابرة عبر المراية الأمامية......... و طنش
كرر الشاب النداء......وكرر الأسطى الطناش
بدأ الشاب فى أخذ الموضوع على محمل الكرامة...خصوصا بعدما لمح ظل ابتسامة سخرية على شفاه فتاة جميلة تجلس أمامه
الشاب صارخا :- "يااااااااااااااااسطى"
لم يجد السائق مفرا من الرد..ارتدى قفاز الملاكمة و خفض صوت الكاسيت ثم رد ناظرا فى المراية أمامه : " خير يافندى..بتزعق ليه ع الصبح"
الشاب : "ايه ياعم الأسطى..عمال أنده م الصبح"
السائق :- "معلش ياحبيبى...كنت فى المطبخ باحضر الغدا"
الشاب غاضبا : "ماتتكلم كويس يا أسطى"
السائق : " اتكلم انت كويس..ايه بانده م الصبح دى..شايفنى فى الدور العاشر؟ "
تعالت ضحكات الركاب و أحس الشاب بالتهزىء... فرد قائلا : "القصد..من فضلك وطى الصوت شوية"
السائق متهكما : "ليه بقى؟ "
الشاب :- " الصوت عالى قوى..وبعدين احنا ساعة الصبحية وعلى سفر فياريت لو حاتشغل الكاسيت تشغللنا قرأن مثلا"
السائق :- " اشمعنى؟ هو احنا رايحين عزا ولا رايحين نصلى الجمعة؟"
بدأت صيحات الركاب تتعالى وتتداخل وتشابهت كلها من نوعية الحرام والعيب واتقى الله...الخ
لم يجد السائق لانهاء الموقف الا أن ينحرف بالسيارة ليتوقف على جانب الطريق ثم ينزع المفتاح و يفتح الباب وينزل مخاطبا الركاب وهو خارج السيارة "بصوا بقى..اليوم ده باين اسود من اوله...مش عايز كل واحد يعمللى الشعراوى... هو انتوا ماتعرفوش ربنا غير بشرايط القرأن..عالم غجر....م الأخر بقى العربية مش مظبوطة تحت رجلى م الصبح وشكلها مش حاتكمل...حاركن ساعة واخش اشرب لى كوباية شاى فى الرست ده...اللى مستعجل ينزل يشاور لأى عربية ع الطريق"
أسقط فى يد الركاب وهم يسمعون ذلك ويرون السائق وهو يستدير متجها بثبات الى نصبة حقيرة ع الطريق من النوعية التى تعقد اتفاقيات "الرست" مع السائقين...ثم جلس فى انتظار الشاى
تبادل الركاب النظرات مرة أخرى ثم بدأوا جميعا فى لوم الشاب "الحنبلى" اللى حايأذيهم كلهم ويعطلهم عن مصالحهم..وتشاوروا فيما بينهم ثم شكلوا وفدا من ثلاثة رجال منهم نزلوا متجهين للسائق وبدأوا معه مفاوضات الاستعطاف واالتذلل...والتى انتهت الى عودة السائق مرة أخرى لاستكمال الرحلة بعد أن شرب شايه وبعد أن نزل الشاب اليه معتذرا عن " غلطته"
.......................................................................................
مالت امرأة من الركاب على من بجوارها : " هو يعنى الجدع كان قال ايه عشان يعتذر" ؟
وجاءها الرد : " معلش..أصل الظاهر السواق مسيحى"
......................................................................................
انطلق السائق مرة أخرى بالسيارة رافعا نفس الصوت من الكاسيت..., أخذته نشوة ذل الركاب فلم يهتم بتجاوزه للسرعة الا حين لمح علامات كمين على الطريق و حين هدأ سرعته كان الرادار قد التقط رقمه...
ضابط المرور :- "رخصك واركن على جنب"
نزل السائق مسرعا متذللا باكيا مستعطفا....مافيش فايدة......اتسحبت الرخصة
بقدر ما أحس الركاب بالسعادة والتشفى فى السائق..الا أنهم نبهوا بعضهم الى ضرورة الصمت التام وعدم اظهار أى رد فعل أو تعليق
"معلش ياخوانا..خللوا السفرية الغبرة دى تعدى"
..........................................................................................
انطلقت السيارة مرة ثالثة ولكن هذه المرة فى صمت تام...و أغلق السائق الكاسيت ولم يسمع الركاب غير صوته وهو يشتم الداخلية والبلد والمرور وكبار البلد مستخدما كل أنواع الشتائم..الأب و الأم والدين والميول الجنسية....الخ
وحين فكر أحد الركاب فى اسكاته وفى نفس الوقت ارضائه :-"روق دمك بس ياهندزة..دى عالم ماتسواش"
السواق :- "أه والله على قولك..دول عالم .....ولاد........."
فرح الرالكب ان كلامه عجب السواق فقرر يكمل ارضاءه :-"معلش ..ربنا ينتقم منهم...باقول ايه..شغل لنا بقى شريط فرفشة على ذوقك كده "
نظر اليه السائق شذرا عبر المراية :-" يعنى بدل ماتقوللى شغل شريط قرأن يريحنا واحنا عالطريق و يفك كربنا ده...تقوللى شريط فرفشة...ياعالم حرام عليكم اتقوا ربنا"
وجم الركاب..وتبادلوا النظرات دون أن تأتيهم الجرأة على النطق

.............................................................................

مال الراكب الأمامى على أذن السائق :-" معلش يا هندسة ...أصل الظاهر الأخ ده مسيحى"

الجزيرة

أنا الحقيقة فى قمة سعادتى النهارده

فرحان جدا انى أخيرا شفت سينما بجد فى مصر فى السنين الأخيرة

سينما اتولد فيها ابتداء من الفيلم ده فنان مصرى موهوب اسمه : أحمد السقا

سينما متعتنى بأستاذية عملاقين اسمهما : محمود ياسين و عبدالرحمن أبو زهرة

سينما جاى فيها ممثلين صاعدين قمة فى الروعة اسمهما : محمود عبدالمغنى و باسم سمرة

سينما فيها فؤادة القرن 21 اللى اسمها : هند صبرى

سينما فيها غوووول تمثيل اسمه : خالد الصاوى

سينما فيها سيناريو بجد وحوار صح و تصوير فاهم واضاءة حساسة وموسيقى عذبة ومونتاج واعى

سينما فيها مايسترو عملاق ينحنى له كل عشاق السينما اسمه : شريف عرفة

سينما فيها فن بجد

سينما بتعرى الفساد بجرأة و بشجاعة وبصدق بدون تهجيص

بدون خطابية هى فوضى

وبدون اسفاف حين ميسرة

..............................................

سعيد جدا انى شفت فيلم " الجزيرة"

مصر.. وطن معروض للبيع في دبي

فوجئت مثل غيري.. بمنتخب مصر.. وبعد أربع وعشرين ساعة فقط من قدومه إلي القاهرة حاملا كبرياء مصر وكأس أمم أفريقيا.. وقد شحنوه في طائرة خاصة إلي دبي ليتم تكريمه هناك.. وحزنت مثل غيري.. وأنا أري منتخب بلادي يدير ظهره لملايين المصريين الذين رقصوا في الشوارع والبيوت فرحا بانتصاراته ليتجمع مسؤولوه ولاعبوه لأول مرة بعد بطولة الأمم علي شاطئ خليج العرب والذهب.. وليس في مصر.. ليس في استاد القاهرة أو تحت قبة برلمان مصر أو علي شاشة تليفزيوناتها أو فوق أوراق صحافتها.. أو حتي في أي شارع أو ميدان في القاهرة أو أي مدينة مصرية.. وانجرحت مثل غيري.. بعدما اكتشفت أنني كنت واهما حين تخيلت أنني.. وكل طفل وشيخ وفتاة ورجل وامرأة في مصر.. شركاء في هذا الانتصار..
وأن هذه الكأس ملك لنا جميعا.. وأننا كلنا سنتقاسم معا كل هذا الكبرياء.. إلا أنه لم تمض إلا أربع وعشرون ساعة فقط ليصدمني واقع شديد المرارة وتفاجئني حقيقة واحدة بدت ظاهرة وساطعة وباقية.. وهي أننا نعيش في وطن لا يزال فيه من يتخيلون أنهم بإمكانهم بيع هذا الوطن لكل من يدفع.. وأن هناك من يستطيع الاستغناء عن كرامتنا كلنا وعن كبريائنا واحترام الناس لنا مقابل أظرف محشوة بالمال أو ساعات الذهب.. وانكسرت مثل غيري..
وأنا أري لاعبينا الكبار.. نجوم مصر وأفريقيا الذين كسبوا الكأس واحترام العالم كله.. وقد أجلسوهم في مدرجات أحد ملاعب دبي وكأنهم أطفال الملجأ حين تقيم إحدي المؤسسات أو الشركات الكبري حفلة تكريم.. فنجومنا الكبار جلسوا.. وكل منهم يرتدي التريننج سوت تماما مثل البيجاما التي يرتديها طفل الملجأ.. وبجانب كل لاعب منهم ثلاثة كراتين فيها الهدايا التي حصل عليها تماما مثلما يجلس أطفال الملجأ وكل منهم يحمل هديته فوق ركبتيه.. وللترفيه عن نجومنا الكبار جاءوا بمطربين شعبيين للغناء بنفس أسلوب ومنطق الترفيه عن أطفال الملاجئ.. وتساءلت مثل غيري: لماذا يقبل سمير زاهر ذلك؟
لماذا ينهار هكذا فجأة أمام إغراء المال والهدايا وهو الرجل الذي دخل تاريخ الكرة في بلادنا كأنجح رئيس لاتحاد الكرة في مصر بحكم الإنجازات والبطولات التي حققها سمير زاهر لمصر وللكرة في مصر؟ وأرجو ألا يقول لي أحد إنها كانت دعوة كريمة من الشيخ محمد بن راشد ولم يكن من اللائق رفضها.. فهذا حق يراد به باطل..
فاللياقة الحقيقية كانت تقتضي أن يحضر الشيخ محمد بن راشد إلي القاهرة ليقدم هداياه للاعبي المنتخب وللسادة أعضاء اتحاد الكرة.. أو كان من الممكن إبلاغ الشيخ محمد بأن المنتخب سيلبي الدعوة ولكن بعد أن يتم تكريمه في مصر أولا ومن المصريين جميعهم قبل السفر إلي دبي.. خاصة أن هدايا الشيخ لن تضيع والأموال قد يتأخر تسلمها ولكنها لن تذهب لجيوب آخرين.. وآه يا وطني.. كلما بدأت أنا وغيري نعلي رأسنا وندرك ونوقن أننا كبار.. يجيء من يصر علي أننا لا نزال صغارا.. أقزاما وسط عمالقة.. شحاذين وسط شيوخ وأغنياء.. فقراء يشحنهم النبلاء في طائرات خاصة وقتما يشاءون، وكيفما يريدون ونحن لا نملك إلا الطاعة والاستسلام.. آه يا مصر.. يا سوق اللحم والفرجة لكل الدول الأخري.. لكنك يا بلدي.. بالرغم من الدول الأخري.. بلدي.

والله وعملوها الرجالة

والله وعملوها الرجالة...رجالة مصر...وحوش أفريقيا

شكرا لذلك القائد المصرى البسيط...رمز الصدق وصفاء النية والاخلاص...أسعدك الله كما أسعدتنا

خيب الله ظنك دائما...يارمز الخبث والتأمر وسوء النية... يارجل الألف وجه والألف موقف...ودائما يرتد كيدك الى نحرك ان شاء الله

الجرح النازف

اغضب

فإن الله لم يخلق شعوباً تستكين
اغضب فإن الأرض تـُحنى رأسها للغاضبين
اغضب ستلقىَ الأرض بركاناً ويغدو صوتك الدامي نشيد المُتعبين
اغضب
فالأرض تحزن حين ترتجف النسور
ويحتويها الخوف والحزن الدفين
الأرض تحزن حين يسترخى الرجال
مع النهاية .. عاجزين
اغضب
فإن العار يسكـُنـُنا
ويسرق من عيون الناس .. لون الفرح
يقتـُل في جوانحنا الحنين
ارفض زمان العهر
والمجد المدنس تحت أقدام الطغاة المعتدين
اغضب
فإنك إن ركعت اليوم
سوف تظل تركع بعد آلاف السنين
اغضب
فإن الناس حولك نائمون
وكاذبون
وعاهرون
ومنتشون بسكرة العجز المهين
اغضب
إذا صليت .. أو عانقت كعبتك الشريفة .. مثل كُل المؤمنين
اغضب
فإن الله لا يرضى الهوان لأمةٍ
كانت - وربُ الناسِ- خير العالمين
فالله لم يخلق شعوباً تستكين
اغضب
إذا لاحت أمامك
صورة الكهان يبتسمون
والدنيا خرابٌ والمدى وطنٌ حزين
ابصـُق على الشاشات
إن لاحت أمامك صورة المُتـنطعين
اغضب
إذا لملمت وجهك بين أشلاء الشظايا
وانتزعت الحلم كي يبقى على وجه الرجال الصامدين
اغضب
إذا ارتعدت عيونك
والدماء السود تجرى في مآقي الجائعين
إذا لاحت أمامك أمة مقهورة خرجت من التاريخ
باعت كل شئٍ
كل أرضٍ
كل عِرضٍ
كل دين
ولا تترُك رُفاتك جيفةً سوداء كفنها عويل مُودعِـين
اجعل من الجسد النحيل قذيفة ترتج أركان الضلال
ويُـشرق الحق المبين
اغضب
ولا تُسمع احد
فإنك إن تركت الأرض عارية
يُـضاجعها المقامر .. والمخنث .. والعميل
سترى زمان العُـهر يغتصب الصغار ويـُـفسد الأجيال
جيلا ً.. بعد جيل
وترى النهاية أمة . مغلوبة . مابين ليل البطش . والقهر الطويل
ابصق على وجه الرجال فقد تراخى عزمُهم
واستبدلوا عز الشعوب بوصمة العجز الذليل
كيف استباح الشرُ أرضك ؟
واستباح العُهر عرضك ؟
واستباح الذئبُ قبرك ؟
واستباحك فى الورى
ظلمُ الطـُغاةِ الطامعين ؟؟؟
اغضب
إذا شاهدت كـُهَّان العروبة كل محتال تـَخـفـَّى في نفق
ورأيت عاصمة الرشيد رماد ماضٍ يحترق
وتزاحم الكـُهَّان فى الشاشات تجمعهم سيوف من ورق
اغضب
كـَـكـُـلِّ السَّاخطين
اغضب
فإن مدائن الموتى تـَضجُّ الآن بالأحياء .. ماتوا
عندما سقطت خيول الحـُـلم وانسحقت أمام المعتدين
إذا لاحت أمامك صورة الأطفال في بغداد
ماتوا جائعين
فالأرض لا تنسى صهيل خيولها
حتى ولو غابت سنين
الأرض تـُـنكر كـُـلَّ فرع عاجز
تـُـلقيهِ في صمت تـُـكـفـِّـنـُـه الرياح بلا دموعٍ أو أنين
الأرض تكره كل قلبٍ جاحدٍ
وتحب عـُـشاق الحياة
وكل عزمٍ لا يلين
فالأرض تركع تحت أقدام الشهيد وتنحني
وتـُـقبِّـل الدم الجسور وقد تساقط كالندى
وتسابق الضوءان
ضوء القبر .. في ضوء الجبين
وغداً يكون لنا الخلاص
يكون نصر الله بـُشرى المؤمنين
اغضب
فإن جحافل الشر القديم تـُـطل من خلف السنين
اغضب
ولا تسمع سماسرة الشعوب وباعة الأوهام .. والمتآمركين
اغضب
فإن بداية الأشياء .. أولها الغضب
ونهاية الأشياء .. آخرها الغضب
والأرض أولى بالغضب
سافرت في كل العصور
وما رأيت .. سوى العجب
شاهدت أقدار الشعوب سيوف عارٍ من خشب
ورأيت حربا بالكلام .. وبالأغاني .. والخـُطب
ورأيت من سرق الشعوب .. ومن تواطأ .. من نهب
ورأيت من باع الضمير .. ومن تآمر .. أو هرب
ورأيت كـُهانا بنوا أمجادهم بين العمالة والكذب
ورأيت من جعلوا الخيانة قـُدس أقداسِ العرب
ورأيت تيجان الصفيح تفوق تيجان الذهب
ورأيت نور محمد يخبو أمام أبى لهب
فاغضب فإن الأرض يـُحييها الغضب
اغضب
ولا تُسمع أحد
قالوا بأن الأرض شاخت .. أجدبت
منذ استراح العجز في أحشائها .. نامت ولم تُنجب ولد
قالوا بأن الله خاصمها
وأن رجالها خانوا الأمانة
واستباحوا كل عهد
الأرض تحمل .. فاتركوها الآن غاضبة
ففي أحشائها .. سُخط تجاوز كل حد
تـُخفى آساها عن عيون الناس تـُنكر عجزها
لا تأمنن لسخط بركان خمد لو أجهضوها ألف عامٍ
سوف يولد من ثراها كل يومٍ ألف غد
اغضب
ولا تُسمع أحد
أ سمع أنين الأرض حين تضم في أحشائها عطر الجسد
أ سمع ضميرك حين يطويك الظلام .. وكل شئ في الجوانح قد همد
والنائمون على العروش فحيح طاغوت تجبّر .. واستبد
لم يبق غير الموت
إما أن تموت فداء أرضك
أو تـُباع لأي وغد
مت في ثراها
إن للأوطان سراً ليس يعرفه أحد

رسالة

رنت صفارة هاتفه
قرأ رسالتها
"بذمتك
بصراحة
لاتخجل
قول الحقيقة
بدون كسوف
أو احراج
بذمتك
ماوحشتكش؟ "
.........................................................................
رنت صفارة هاتفها
قرأت رده
"كلمة
وحشتينى
مش كفاية
بس
خايف عليكى
منى"
......................................................................
فى اليوم التالى
ضاع ها تفه ...... وضاع معه رقمها...ورسالتها

ياصاحبى انى حزين

المدونون عندى ثلاثة أنواع

نوع يحتويك بداخله ويسكنك بجوار قلبه ويشعرك بالرغبة الأكيدة أن تحمله بين ثنايا روحك حتى وان كنت لا تعرفه بشكل شخصى ولم تقابله أبدا الا عبر صفحات مدونته
ونوع يجذبك ولكن يحتفظ بينك وبينه بالمسافات والحدود الرسمية لعالم افتراضى اسمه التدوين
ونوع ثالث يجعلك تسارع باغلاق جهازك اذا تصادف و مررت ولو خطأ عبر صفحة مدونته
.........................
والبراء أشرف يأتى عندى على رأس قائمة النوع الأول
هو عندى تطبيق لقول رسول الله "الأرواح جنود مجندة..ماتعارف منها ائتلف..وماتنافر منها اختلف"
أبكانى البراء أشرف اليوم كما لم أبكى منذ زمن طويل
أبكانى بتدوينته الأخيرة التى سيضمها مجموعته القصصية المرتقبة والتى من فرط عذوبة أسلوبه فيها لا أعرف حتى الأن هل يتحدث عن نفسه أم ذلك سحر بيانه
ولكنى بكيت
........................
ساعدنى على البكاء مرورى منذ أسبوع بحالة من الشجن..حزن صموت....تنتابنى كثيرا فى الشتاء....أشعر بأعراضها كلما فقدت الرغبة فى كل شىء وأى شىء..... كلما شعرت أنى مثل الليمونة التى جفت من كثرة العصر.....كلما كثرت رحلاتى الليلية الصامتة فى التنزه فى الشوارع المظلمة...كلما شعرت بالرغبة فى الصمت العميق و عدم الرد على أى شىء...كلما أكثرت من الالتجاء الى حضن أمى وزوجتى.......كلما وجدت نفسى أسرع الى ديوان صلاح عبدالصبور لأقرا :-
ياصاحبى انى حزين
طلع الصباح فما ضحكت ولم ينر وجهى الصباح
وخرجت من جوف المدينة أطلب الرزق المتاح
وغمست فى ماء القناعة خبز أيامى الكفاف
.
.
.
والحزن يولد فى المساء لأنه حزن ضرير
حزن طويل كالطريق من الجحيم الى الجحيم
حزن صموت
والحزن لا يعنى الرضاء بأن أمنية تموت
وبأن أياما تفوت
وبأن مرفقنا وهن
وبأن ريحا من عفن
مس الحياة فأصبحت وجميع مافيها مقيت
..........
نعم يا شاعرى.....جميع مافيها مقيت
...........
ثم جاء براء وأجهز على جميع حصون مقاومتى....و أبكانى بكاء الغافل حين يستيقظ ...أشكرك يا براء
..........
أشكر جميع من سأل عنى تلك الفترة..فأناالأن حالى كما ذكرت..ولا أدرى أخير هذا أم شر....لكنى لا زلت أحيا على أية حال
و أستأذنكم فى اجازة ..فأنا على موعد مع السفر لظروف عملى
.............
العزيز براء....ان لم يقابلنى صديقك فى سفرى هذا...وعدت لأجده لم يقابلك أيضا ان شاء الله..فأنت مدعو الى فنجان قهوة حيث تختار........فهل تقبل دعوتى؟
.............
هاكم اقرأوا ماكتب البراء

انتبهوا أيها السادة

تحديث هام

الى جميع زوارى الأفاضل...أشكر جميع من شرفنى بالزيارة ومن تكرم بالتعليق أو لم يعلق ولكنى أريد توضيح نقطتين أعتقد فى أهميتهما : الأولى هى أن كون هذه الواقعة تكررت قبل ذلك أو تواترت لأسماع البعض من زوارى الكرام أيا كان مصدرها فان ذلك لايعنى التشكيك فى حدوثها بل ربما يزيد من مصداقية حدوثها ويؤكد خطورة الموضوع كونه عملا مستمرا ومنظما يحدث دون أن يدرى أغلبنا.. فعن نفسى أثق فى مصدرى...وبالطبع لا أشكك فى مصادر الأخرين...فمن تكرم بزيارتى ثم أرهق نفسه فى التعليق مشككا فاننى أعتذر له عن وقته الذى ضاع عندى و أشكره فى كل الأحوال على تشريفى بالتعليق ...النقطة الثانية هى مطالبة البعض باعلان اسم وتفاصيل المدرسة ومطالبة زميلى باتخاذ اجراء..والحقيقة أنى طالبته أيضا باتخاذ اجراء فكان رأيه أنه حاول فى المدرسة حتى لم يجد فائدة فنقل ابنه وهو قد استراح لذلك ولا يود تصعيد الأمور أكثر من ذلك..أما تفاصيل المدرسة فقد ذكرها لى بالطبع ولكنى أعتذر عن نشرها لسببين: الأول تفاديا لأى ملاحقات أو اتهام بالتشهير أنا فى غنى عنه والثانى أن هدفى من هذا البوست ليس تشويه مكان معين ربما كان جيدا ولايقلل منه وجود عناصر فاسدة بداخله ولكن هدفى الذى انتبه له البعض من حضراتكم هو أن ننتبه جميعا لأطفالنا..وألا نتواكل على كونهم فى مدارس باهظة التكاليف لكى نستعيض بها عن غرس القيم والدين فى نفوسهم...بل لابد أن نكون دائما بجوارهم و معهم..فالتحديات قائمة وأمتنا مستهدفة على جميع المستويات وان كنت أرى أن أخطر هذه المستويات هو أطفالنا........انتبهوا أيها السادة

.................................................................................................

تدوينة النهارده اترددت كتير قبل مانشرها...لأن موضوعها قد ماهو خطير قد ماهو حساس بس فى الأخر حسمت أمرى...لأن بجد الموضوع لازم ننتبه له...أباء , أمهات ..اخوة وأخوات....مسلمين ومسيحيين..

القصة نقلا عن زميل عمل أثق فى صدقه و أمانته وليس له هدف من الادعاء فى شىء يخص ابنه...ولكن تظل العهدة عليه فى الحكى..

زميلى له طفل فى السابعة من عمره...دفع دم قلبه وجاب وسايط بالكوم عشان يدخله احدى المدارس الأمريكية الشهيرة المنتشرة فى مصر والتى يلتحق بها الأطفال من سن الحضانة وحتى الثانوى....فعل هذا وهو فرحان مسرور متفائل بمستقبل ابنه التعليمى الزاهريحرص زميلى على الصلاة والعبادة....وذات مرة حدث وهو يصلى على رسول الله وابنه بجواره أن سأله الطفل : بتقول ايه يابابا...ابتسم زميلى وهو يقول أصلى على رسول الله محمد...قال له الطفل يعنى ايه؟وليه؟..قال له الأب لأنه رسول الله وأنا أحبه.....فرد الطفل : ولكنى لا أحبه يا أبى طبعا صاحبى جاله ذهول وفكر ثوانى ولكنه فى النهاية قال : عيل ومش فاهم...فقرر مجاراته : طب ليه ياحبيبى بتقول كده..قال له الطفل :- عشان محمد مش بيحبنى و مش بيحب الأطفال؟؟..ذهل الأب مما يسمع...مين باحبيبى قال لك كده؟.....فحكى له الطفل ماحدث

مدرسة فصل الطفل أمريكية الجنسية...قالت للأطفال يوما:- ياأطفال..أريد منكم أن تغمضوا أعينكم ولا تفتحوها الا حين أطلب منكم...لأنه سيزورنا الأن جيسوس-عيسى- وسيمر من أمامكم ولا تستطيعون رؤيته فعل الأطفال و أغمضوا عيونهم وحين فتحوها بعد دقيقتين وجد كل منهم أمامه على الديسك قطعة بونبون وقطعة شيكولاتة وضعتهم المدرسة....فرح الأطفال جداوقالوا ايه ده يا ميس..فقالت :- وضعه لكم جيسوس-عيسى- فهو يحبكم كثيرا
وقى نهاية اليوم طلبت منهم نفس الطلب ولكن قالت لهم ان محمدا سيزوركم الأن ..فأغمضوا أعينهم وحين فتحوها لم يجدوا شيئاقالت لهم المدرسة الخبيثة : أنا أسفة من أجلكم يا أطفال..لم يترك لكم محمد شيئا..فهو لايحب الأطفال

جن جنون زميلى...وذهب الى المدرسة وتشاجر وتناقش..ولكنه لم يصل الى شىء..فلم يجد فى النهاية الا نقل ابنه من المدرسة حفاظا على دينه و أخلاقه

أرأيتم ماذا يدبر لنا؟

"ويمكرون ويمكر الله والله خير الماكرين"..صدق الله العظيم

زمن ذل المصريين

الى جميع من لايزالوا مخدوعين فى تصريحات الحكومة أو كتابات الصحف القومية أو فى شعارات ساذجة تحركها قلة الخبرة حينا وتحركها رفاهية من لم يعضه الجوع أحيانا..اليهم جميعا...اقرأوا هذا المقال....اقرأوه بقلوبكم وليس بأعينكم....اقرأوه بمخزون ذكرياتكم وليس بتعاليكم عن الواقع....اقرأوه..وأمانة عليكم...كفاية فلسفة فارغة.....ارحمونا

.................................................................

حاجة تقطع القلب، تحزن، من يمدون الأيدي تسولاً هذه الأيام، ممن تحسبهم أغنياء من التعفف، بقايا ملابسهم التي تستر عوراتهم، تدل علي أصول طيبة، ولاد ناس، من عائلات، يخجل الزمان أن جار عليهم، وأذلهم السؤال وأراق منهم ماء الوجوه.
جلوس المقاهي يرون الآن عجباً، متسولين وما هم بمتسولين، محتاجين وكانوا قبلاً من القانعين، ربات بيوت تدل عليهن أياد بضة من إثر النعيم، أفندية يرتدون بدلا - كانت كاملة - وبصديري، استحال لونها، أكل الزمان عليها وشرب، كانت بدلاً، بقايا من زمن غابر.
لا يرتدون هلاهيل البهاليل، ولا مزق المتسولين، يتحدثون بصوت خفيض، يفيض خجلا، تكاد الأرض تنشق وتبلعهم من فرط التأثر، بعضهم يتصبب عرقا وينزف خجلاً، يطلبها بصوت الصمت المسموع ممن ترق قلوبهم وتلين.
بنات ناس، قبل ما تخلو أيامنا من الناس، التي تكفي بنات العائلات ذل الحاجة، والخروج في طلبها من اللي يسوي، واللي مايسواش، ويطمع الذي في قلبه مرض، بنات الناس تبهدلن، يتحاشين النظرات، جاء علينا زمان تخرج الأنثي بحملها، تنوء بحملها، تطلب ثمن الحليب لصغير يتألم من قسوة برد «طوبة« اللي يخلي الشابة كركوبة «ويخشي من زمهرير« أمشير.
فاكرين الست أمينة في الثلاثية، ربات بيوت، أمهات وجدات عفيفات كن منعمات، لم يرين الشارع، لم يمس الرصيف كعبهن، لم يطأن الرصيف قبل هاتيك الأيام التي أذلت أعناق الرجال والنساء، يطلبن الحسنة بلسان الحال، تجوع الحرة.
لم تعد تصدم آذاننا جمل التسول المعتادة:، «حسنة قليلة تمنع بلاوي كتيرة، وهنيالك يا فاعل الخير«، «ربنا يخليلك السُت هانم، والبيه الصُغير«، تسمع عجبا، لو سمحت يا ابني تساعدني لأدفع الايجار، ممكن تتكرم وتعطيني بعضا من المال لشراء علبة لبن للطفل، بعضهن يتمنين موت الطفل فعلاً، ارحموا عزيز قوم ذل، وكم أذلت الحاجة أعناق الرجال.
لولا الحاجة لما تلطمت الفضليات، بعضهن لا يقوي علي المشي قدماً طلبا للحسنة، يجلسن أني يكون لهن، يصمتن عن النداء، يرزقهن الله من كرمه، ماحدش بينام من غير عشاء، والفقير ربه كريم، بيرزق النملة في الحجر، واللي خلقهم لن يضيعهم، يصبرن أنفسهن بآيات من الأمثال والحكم الشعبية وبعض من القرآن.
بعضهم موظف فضل التسول علي الرشوة، بعض الموظفين شرفاء، بعضهم صاروا رهائن عجزهم وهوانهم علي الناس، خرجوا عن مقتضيات الواجب الوظيفي تسولاً، يخفون الوجوه معرة، خجلاً، حتي الحذاء بلمعة الصباح، وياقة القميص بكية الأسبوع، كرافت منحول يغطي معدة خاوية إلا من فطور الصباح، ساندويتش الفول.
لا أعرف لماذا يطلبون قبل الحسنة الماء البارد الذي أمامك، يبلعون مر الكلام، يعوضون نزيف ماء الوجوه، أحياناً الكلام يكون محشوراً في الحلوق، ليس أصعب من بيع ماء الوجوه، يباع علي الأرصفة الآن، ولا حول ولا قوة إلا بالله.
هم من بقايا زمن الخصخصة والحصحصة، الرواد الأوائل للمعاش المبكر، ممن تخارجوا طمعا في بعض المال، راح المال وبقي الموظف علي حاله، وجلسوا علي رصيف الحياة يترجون الله في حق النشوق، وبعد أن قرصهم الجوع، وغلقت الأبواب عادوا بخفي حنين، يمدون الأيدي في امتهان

................................................................................................

حمدى رزق-المصرى اليوم

اسمه ايه ده

سيداتى سادتى
ازيكم
هابى نيو يير 2008 م-1429ه
...............................................
شوية حاجات يمكن صغيرة..يمكن كبيرة..بس محيرانى قوى
عايزكوا تقروها..تفكروا فيها معايا..وتقولولى بصراحة وبدون حساسيات......اسمه ايه ده
.......................................................................................
1)- لما شبابنا يهرب من فقره وقلة حيلته و الأبواب المقفولة ف وشه ف بلده ويهاجر على فلوكة ف عز البحر الكبير مايهموش أى حاجة غير انه يطفش....ولما تتقلب بيه الركوبة و يشوف زمايله بتغرق قدام عنيه ويينقذوه هو ويقولواله حانرجعك مصر تانى..يصرخ ويقول: لأ..رجعونى البحر أحسن......يبقى اسمه ايه ده؟
2)- لما تبقى العادة المصرية التى ننفرد بها عن كل الدنيا هى أن يتلاقى الرجلان فيقبل بعضهما بعضا على وجنتيه من قبلتين الى أربع دلالة الشوق والمعزة...مع أنهما تقابلا بالأمس..وجلسا سويا ساعات..ومع أن كل العالم يعتبر تقبيل الرجال لبعضهم مؤشرا لسلوك جنسى غير سوى....و الأطباء يصرخون ليل نهار أن ذلك ينقل العدوى و الأمراض..ومع أن أحدهما أو كلاهما قد يكون غرقان فى عرقه وواكل بصل.....يبقى اسمه ايه ده؟
3)- لما تتصل احدى النساء الفاضلات – فاضلات ما انقرضوش يعنى- و تسأل أحد شيوخ الفضائيات الأفاضل-اللى لسه مانقرضوش برضه- يا فديلة الشيخ...لو شربت من ازازة و جه راجل شرب بعديا..وحس بالاثارة الجنسية...هل أدخل النار؟...يبقى اسمه ايه ده؟
4)- ولما يرد عليها الشيخ الفاضل-المرة دى فاضل عشان يموتنا احنا- ويقول لها لأ..هو اللى ياخد الذنب...بس الأسلم تستعملى كوباية......يبقى اسمه ايه ده؟
استطراد : أموت و أشوف مين راجل ممكن يهيج-لا مؤاخذة يعنى- لو شرب من بق قزازة حتى لو كان مكان انجيلينا جولى شخصيا...وقزايز ايه دى اللى بنشرب منها ورا بعض.....و هل الكوباية مش حايتشرب منها بعدها؟
يمكن قصده كوباية بلاستيك من بتوع معامل التحاليل.....بالذمة اسمه ايه ده؟
5) عندما يذهب الحجاج المصريين الغلابة بتوع القرعة-يادوب دفعوا عشر تلاف جنيه بس- للحج وتبهدلهم البعثة الرسمية بهدلة الأعمى اللى بيحكم فى مسابقة ملكات الجمال...وبعدين يطلع علينا الحاج وزير التخبيط بصفته رئيس البعثة ويتمطع ويقول لك: الحل هو بناء نموذج مجسم للكعبة فى استاد القاهرة وعمل دورات تدريبية للحجاج.....يبقى اسمه ايه ده؟
6)عندما يذهب رئيس جامعة عين شمس الدكتور الجامعى أحمد زكى بدر وهو ابن الغير مأسوف عليه زكى بدر وزير الاعتقالات الى العمال المعتصمين بسبب تخفيض أجورهم للنصف ويقول لهم "انتوا اتذليتوا وبستوا الجزم عشان تتعينوا"....يبقى اسمه ايه ده؟
7) وعندما يرفض هؤلاء العمال قبول هذا الذل و يمدون أيديهم وألسنتهم بالضرب والشتيمة الى رئيس الجامعة المفروض انه محترم....يبقى اسمه ايه ده؟
8)عندما نصرخ ونبكى ونلطم الخدود كلما اتجنن واحد فى مشارق الأرض ومغاربها وقال كلمة فى حق الرسول أو حتى أعلن رأى فى الاسلام....وتتعالى الأصوات..المقاطعة ..الحرب...الا رسول الله....ونرفض الحوار مع المخطىء...ونحارب عمرو خالد و الشيخ طارق السويدان ونتهمهما فى دينهما لأنهما ذهبا للحوار بالحسنى..يبقى اسمه ايه ده؟
9)وعندما نأتى نحن فنعلن بكل بجاحة الاعتراض على فانلات لاعيبة كرة قدم- شفنوا الهيافة- فى أسبانيا و ايطاليا لأن بادج الفانلة عليه صليب...ونطالبهم بازالة الصليب (الذى هو رمز دينهم) بينما نلعب نحن بزى عليه السيف والشهادتين......يبقى اسمه ايه ده؟
10)وعندما تقروا البوست ده..وأقول لكم ان فيه جزء تانى لسه...يبقى اسمه ايه ده؟