Share |

January 13, 2008

انتبهوا أيها السادة


تحديث هام
الى جميع زوارى الأفاضل...أشكر جميع من شرفنى بالزيارة ومن تكرم بالتعليق أو لم يعلق ولكنى أريد توضيح نقطتين أعتقد فى أهميتهما : الأولى هى أن كون هذه الواقعة تكررت قبل ذلك أو تواترت لأسماع البعض من زوارى الكرام أيا كان مصدرها فان ذلك لايعنى التشكيك فى حدوثها بل ربما يزيد من مصداقية حدوثها ويؤكد خطورة الموضوع كونه عملا مستمرا ومنظما يحدث دون أن يدرى أغلبنا.. فعن نفسى أثق فى مصدرى...وبالطبع لا أشكك فى مصادر الأخرين...فمن تكرم بزيارتى ثم أرهق نفسه فى التعليق مشككا فاننى أعتذر له عن وقته الذى ضاع عندى و أشكره فى كل الأحوال على تشريفى بالتعليق ...النقطة الثانية هى مطالبة البعض باعلان اسم وتفاصيل المدرسة ومطالبة زميلى باتخاذ اجراء..والحقيقة أنى طالبته أيضا باتخاذ اجراء فكان رأيه أنه حاول فى المدرسة حتى لم يجد فائدة فنقل ابنه وهو قد استراح لذلك ولا يود تصعيد الأمور أكثر من ذلك..أما تفاصيل المدرسة فقد ذكرها لى بالطبع ولكنى أعتذر عن نشرها لسببين: الأول تفاديا لأى ملاحقات أو اتهام بالتشهير أنا فى غنى عنه والثانى أن هدفى من هذا البوست ليس تشويه مكان معين ربما كان جيدا ولايقلل منه وجود عناصر فاسدة بداخله ولكن هدفى الذى انتبه له البعض من حضراتكم هو أن ننتبه جميعا لأطفالنا..وألا نتواكل على كونهم فى مدارس باهظة التكاليف لكى نستعيض بها عن غرس القيم والدين فى نفوسهم...بل لابد أن نكون دائما بجوارهم و معهم..فالتحديات قائمة وأمتنا مستهدفة على جميع المستويات وان كنت أرى أن أخطر هذه المستويات هو أطفالنا........انتبهوا أيها السادة
.................................................................................................
تدوينة النهارده اترددت كتير قبل مانشرها...لأن موضوعها قد ماهو خطير قد ماهو حساس بس فى الأخر حسمت أمرى...لأن بجد الموضوع لازم ننتبه له...أباء , أمهات ..اخوة وأخوات....مسلمين ومسيحيين..

القصة نقلا عن زميل عمل أثق فى صدقه و أمانته وليس له هدف من الادعاء فى شىء يخص ابنه...ولكن تظل العهدة عليه فى الحكى..

زميلى له طفل فى السابعة من عمره...دفع دم قلبه وجاب وسايط بالكوم عشان يدخله احدى المدارس الأمريكية الشهيرة المنتشرة فى مصر والتى يلتحق بها الأطفال من سن الحضانة وحتى الثانوى....فعل هذا وهو فرحان مسرور متفائل بمستقبل ابنه التعليمى الزاهريحرص زميلى على الصلاة والعبادة....وذات مرة حدث وهو يصلى على رسول الله وابنه بجواره أن سأله الطفل : بتقول ايه يابابا...ابتسم زميلى وهو يقول أصلى على رسول الله محمد...قال له الطفل يعنى ايه؟وليه؟..قال له الأب لأنه رسول الله وأنا أحبه.....فرد الطفل : ولكنى لا أحبه يا أبى طبعا صاحبى جاله ذهول وفكر ثوانى ولكنه فى النهاية قال : عيل ومش فاهم...فقرر مجاراته : طب ليه ياحبيبى بتقول كده..قال له الطفل :- عشان محمد مش بيحبنى و مش بيحب الأطفال؟؟..ذهل الأب مما يسمع...مين باحبيبى قال لك كده؟.....فحكى له الطفل ماحدث

مدرسة فصل الطفل أمريكية الجنسية...قالت للأطفال يوما:- ياأطفال..أريد منكم أن تغمضوا أعينكم ولا تفتحوها الا حين أطلب منكم...لأنه سيزورنا الأن جيسوس-عيسى- وسيمر من أمامكم ولا تستطيعون رؤيته فعل الأطفال و أغمضوا عيونهم وحين فتحوها بعد دقيقتين وجد كل منهم أمامه على الديسك قطعة بونبون وقطعة شيكولاتة وضعتهم المدرسة....فرح الأطفال جداوقالوا ايه ده يا ميس..فقالت :- وضعه لكم جيسوس-عيسى- فهو يحبكم كثيرا
وقى نهاية اليوم طلبت منهم نفس الطلب ولكن قالت لهم ان محمدا سيزوركم الأن ..فأغمضوا أعينهم وحين فتحوها لم يجدوا شيئاقالت لهم المدرسة الخبيثة : أنا أسفة من أجلكم يا أطفال..لم يترك لكم محمد شيئا..فهو لايحب الأطفال

جن جنون زميلى...وذهب الى المدرسة وتشاجر وتناقش..ولكنه لم يصل الى شىء..فلم يجد فى النهاية الا نقل ابنه من المدرسة حفاظا على دينه و أخلاقه

أرأيتم ماذا يدبر لنا؟
"ويمكرون ويمكر الله والله خير الماكرين"..صدق الله العظيم

50 comments:

مروة الزارع said...

معقوووووووووووول

دة بيحصل فى مصررررر ؟؟؟؟؟

طب لية صاحبك دة مبلغش اى جهة مسؤلة فى الواقعة دى

وكان الطفل هيبقى شاهد واطفال تانية

دى حاجة ميتسكتش عليها بجد


لازم صاحبك دة يعمل حاجة ويتكلم

Amir said...

القصة دى أنا سمعتها من مدة طويييييلة كذا مرة على كذا منتدى من أناس عرب، وكان قصدهم على المدارس فى أمريكا...وصدقتها عن طيب خاطر (قولت ماشى، ممكن بيحصل إضطهاد طائفى من الأجانب للزوار العرب، زى ما بيحل ليهم على أراضى على العرب)!!
إنما أسمع نفس القصة بالطريقة المصرية، كده أبتدى أشك (فى القصة وليس فى صاحبها أو راويها) مش عارف ليه إفتكرت قصة المعلمة البريطانية اللى كانت فى السودان وعملولها هوجة كبيرة إنها بتهين محمد بدبدوب، وفى الآخر طلعت مظلومة؟!؟!؟

m5m said...

مروة الزارع

جهة مسئولة مين اللى يبلغها...دى مدرسة امريكية...يعنى لو حد لمسها حاتلاقى السفارة والخارجية و كونداليزا رايس أم وش وحش ورجلين حلوة و منظمات حموم الانسان..كل دول حاتلاقيهم معاها
وبعدين طفل ايه اللى حايبقى شاهد..تفتكرى ده ينفع؟

المصيبة مش فى ابن زميلى..المصيبة فى الأطفال اللى ماحكوش لأهاليهم وحايكبروا والأفكار دى فى دماغهم

ربنا يستر

عباس العبد said...

ادينى جيت و حعلق عندك اهه و يا ريتنى ما جيت و لا حعلق و لا اكتب يا شيخ
موضوع جد ده و لا تهريج
طبعا ان مدرسة امريكية تعمل كده
دى قلة ادب و بعدين فى نقطة مهمة تربوية فى الموضوع
العيال المسيحيين الى فى الفصل حيصبح جيسوس بالنسبه لهم نفعى مادى
اى انه جيسوس يعنى اصبح ماتيرياليزد
materialized
اله عجوة زى الاصنام بتوع زمان
يعنى حتى لو فرضنا انها بتعلم مسيحيين بس فى حصة الدين يعنى بس
فهى بتعلمهم غلط
بنت الحمارة دى
...
نيجى بقى للمصيبة الكبرى
و هى انها بتقارن للتفضيل لأطفال
دى اساءة لا يقبلها احد
لو ابو الواد ده حيروح تانى انا على اتم استعداد اروح معاه احدفهم بالطوب
لأنى مقبلش حد يعمل كده مع افكارى و ايمانى ومعتقداتى و من اؤمن به
فلا يمكن اقبل كده على حد غيرى و على من يؤمن بيه
....
مبسوط يا سيدى
ادينى علقت
عاجبك الموضوع قوى

عباس العبد said...

قصة المعلمة البريطانية مختلفة لأن العيال هى الى اطلقت الاسم على الدبدوب كموروث ثقافى
و الاطفال مكنوش يقصدوا اى اهانة
لكن العقل الجمعى العربى بما انه مكلوم من الغرب و متوتر جدا من ناحيته فحولها لأهانة
الاطفال بحسن نية و هى برضه على فكرة مكنتش تقصد اى دين
لكن الى اتلسع من الشوربة ينفخ فى ...
الدبدوب

m5m said...

أستاذ أمير:-
أولا أهلا بيك شرفتنى
ثانيا أنا لم أسمع هذه القصة الا من لسان زميلى متحدثا بها عن ابنه..وهو رجل ملتزم ومصلى وليس من الكاذبين-فى حدود ما نعلم عنه-فان كانت قد حدثت قبل ذلك فى دولة أخرى فقد تكون تكررت..فهذا عمل تبشيرى منظم وليس حادثة فردية غير قابلة للتكرار
كون سيادتك تكذب أو تصدق فهذا يرجع لك...فزميلى لن يكذب فيما يخص طفله...هو حكى لى لأنتبه لأطفالى وأنا أحكى لكم لتنتبهوا لذويكم

أما موضوع المعلمة البريطانية فأحب أصحح لك انها ماطلعتش مظلومة وان اتحكم عليها بالحبس 15 يوم والطرد من البلاد ولكن طبعا عشان هى انجليزية ليها كرامة ف بلدها الدنيا قامت ورئيس وزراء بريطانيا اتدخل والمفوضية الأوروبية ضعطت ومنظمات حروق الانسان استنكرت لحد ما البشير أصدر عفو عنها (عشان ماتتحبسش 15 يوم) ورجعت بلادها معززة مكرمة واستقبلت استقبال الفاتحين
المزيد فى الروابط التالية

http://www.asharqalawsat.com/details.asp?section=4&article=448325&issue=10598

http://arabic.cnn.com/2007/entertainment/11/29/teddy.bear/index.html

http://arabic.peopledaily.com.cn/31663/6314394.html

أظن الموضوع واضح فى الروابط ولا هى مظلومة ولا حاجة
ده نشاط تبشيرى متكرر فى كل الدول الاسلامية يا عزيزى
..................................
حاولت رد الزيارة فلم تكن مدونتك متاحة..أتمنى تكرار الزيارة
شرفتنى

m5m said...

رامز باشا عباس العبد

والله ما مصدق نفسى...انت بنفسك عندى؟ والله أنا فى قمة السعادة
ماتتصورش قد ايه
بس يعنى انت منشن تيجى فى الموضوع ده؟ حبكت يعنى؟هاهاها
ع العموم أنا واثق من مخك الكبير و ثقافتك يا رامز وبجد انت حد عاقل جدا ومحترم......أنا حاعرض على زميلى موضوع انك تروح معاه تحدفهم بالطوب..ع الأقل انت حاتبقى حماية:((

تصدق فكرة النفع المادى دى ما جتش ف بالى؟وعندك حق طبعا..بس تقول ايه..أمريكان بقى..ماديين بجد يعنى

موضوع دبدوب السودان ده ممكن يكون زى ما انت قلت لكن انا رديت ع الأخ اللى بيقول مظلومة انها مش مظلومة..فى رأيى هى لو لم تكن تقصد الاهانة فهى اسأت التصرف والاحتمالين مايخلوهاش مظلومة

باقول لك ايه : فيه مواضيع تانى تحت..قلب يمكن حاجة تعجبك

مستنيك تانى

عصفور المدينة said...

السلام عليكم
حقيقة لم أستغرب ولكني استغربت ترددك في نشر هذا الخبر وهو مسئولية عليك منذ عرفته تنبيها من هذا الخطر
وهي لا تلام على فعلها لأن هذه عقيدتها وهذه مدرستهم وهذه حياتهم
والخطأ على من يعيش عيشتهم

لا للسكوت said...

حسبنا الله ونعم الوكيل
ايه ده .. عارف حضرتك أنا زعلانة من حاجتين اولهم :ان اغلب الناس ممكن مش بتاخد بالها من اولادها وتتابع دراستهم
وتانى حاجة :ان احنا نايمين فى الخط ..شوف هيا اد ايه المدرسة دى بتحب عقيدتهاوبتساهم فى نشرها مع ان مش حقها انها تعيب فى عقائد اخرى ..يا ريت يبقى عندنا غيرة عن ديننا احنا ونحاول نوصله صح للناس (مش بطريقتها طبعا)وانا احييك وجزاك الله خيرا وصاحبك بجد ما شاء الله عليه ولو انه كان مفروض يشتكى ..بس ربنا يعينه ويكرمه ويكرمك فى أولادكم ودمت بخير

بت خيخة وأى كلام said...

جسمى قشعر
ولو سمحت يا محمد عايزةاعرف مدرسة ايه دى
اسمها ايه وفى انهى منطقة
احنا لازم نعرف علشان محدش يقع الواقعة المنيلة دى
ده موضوع خطير جدا
ولازم يكون فيه حل غير ان الاب ينقل ابنه من المدرسة
تحياتى ليك
اختك خيخة

مناجاة said...

طب حيث انك حكيت الحكاية دي
انا لسه سامعة من كام يوم حكاية أفظع ومش عارفة اتصرف
دار للايتام في مصر القديمة بيقولوا تابع لمستشفى المبرة مدرسة الدين الاسلامي بتاعة اولى وتانية وتالتة ابتدائي نصرانية
مديرة الدار مسلمة وهي اللي استعانت بالمدرسة دي واللي حكولي الحكاية واجهوها وهى ولا هنا
!!!!!!!!!!!!

دعوة الفردوس said...

مثل أستاذي لم أستغرب

ولكن الخبر قديم وسمعت القصة بحذافيرها من فتره ولكن قبل التدوين

المشكله ليست في المدرسة
بقدر تهافتنا على ان يخرج أبناءنا من مثلها
وعلى غياب المنزل ودوره
ماذا ننتظر من مؤسسات كهذه
اذن فلم ندعمها بأموالنا ليخربوا عقول وعقائد ابناءنا؟

coca said...

انا مزبهله زي الناس بردو معقول دا يكون حصل في مصر
يعني مدرسه جايه تمارس العنصريه هنا
مهم جدااننا نتابع اولادنا في المدارس والكلام اللي بيتقالهم

الفاتح اليعقوبي said...

السلام عليكم
نفس الاسلوب القذر بتاع الشيوعيين واليهود في تربية اولادهم في المدارس علي كره الاديان بالنسبة للشيوعيين وكره الفلسطنين بالنسبة لليهود


كانوا في مدارس الاتحاد السوفيتي ياتوا بالطفل اذا جاوب سؤال صحيح ويعطوه حلوي فيقولون له انا اعطيتك حلوي لانني موجود ولكن الله لم يعطيك شئ لانه ليس موجود
سبحانه وتعالي عما يشركون


ونفس الكلام لليهود يعطوا الطفل حلوي مرة ويقولون للاطفال هذه من اصدقاءكم الفلسطينين



صح العيب مش عليهم دي ناس بتحب دينها وبتعمل ليه رغم علمها ببعض المخاطر اما العيب فهو علي من لايتحركون لدينهم ولا يغاروا عليه كما يغيرون علي اموالهم ومناصبهم



ويااستاذي انا في جامعة مصرية وبشكل او باخر لي تواجد في المدرجات والكلمات وما شابه ذلك فلي احتكاك بالطلبة

للاسف في طلبة مسلمين وخاصة من سنة اولي بيسالونا عن امور عقائدية بغرض التشكيك فتساله مين اللي قال لك كده يقولك صحبي فلان طبعا انت عارفهم


والكلام دا في كذا مدرج مش مدرج واحد


(ان الله يغرس في هذا الدين غرسا بيده يستخدمهم فيه بطاعته الي يوم القيامة)0

او كما قال صلي الله عليه وسلم
اللهم اجعلنا ممن يردون كيد الحاقدين علي دينك
والسلام

عاشقه الفردوس said...
This comment has been removed by the author.
عاشقه الفردوس said...

اه معقول وبيحصل
وشايفينه بعنيينا


عندنا في المنوفيه مدرسه اسمها ولا بلاش

المدرسه دي بيتسابقوا علشان يدخلوها
المدرسه دي كلها مسيحيين

تفتكرو هيعلمو ولادنا ايه


دايما بحزر الناس منها ومن علي شاكلتها

بس الناس بتهمها النفخه الكدابه


ربنا يرحمنا برحنمته


وبرده خدوا بالكم احنا بنعمل ايه ومش راضين ندافع عن ديننا ازاي


ان الله لا يغير مابقوم حتي يغيروا مابانفسهم



حسبنا الله ونعم الوكيل

appy said...

طيب انا مش هقول حاجه بس عاوزة اقولك ان ده مش فى كل المدارس ولاد خالتى فى مدارس امريكى وبنتها امريكان دبلومه بس محصلش كده ممكن تكون دى حاله فرديه بجد لان لو حاله عامه كانت مدرسه الشويفات قفلت من زمان وعلى فكرة دى من اغلى المدارس فى مصر والدفع فيها يا باليورو يا الدولار على الاقل وهى جنبى وفيها اولاد اجانب كتير او مصريين وكتير فممكن تكون دى مدرسه غغبيه بس واخيرا كويس انه نقل ابنه وعموما لو قدم بلاغ ممكن يجيب فايده على الاقل هيلفت الانتباه الى انه ممكن يحصل ده فنخلى بالنا

HafSSa said...

ممكن يا ام5ام تسال صديقك صاحب القصة على اسم المدرسة و موقعها و تقولنا
متخافش انا مش ححدف بالطوب لاني بعيدة بس خلينا نعرف اسم المدرسة ايه عشان نتقيها و نتقي شرها و نحذر الناس منها
حاجة تانية انا استغربتلها في ردك على امير
هو قال انها مظلومة و انت قلت
"

أما موضوع المعلمة البريطانية فأحب أصحح لك انها ماطلعتش مظلومة وان اتحكم عليها بالحبس 15 يوم والطرد من البلاد
"
طيب هو معنى انه صدر ضدها حكم يعني هي مش مظلومة ؟؟
ايه تعريف الظلم عند حضرتك يا فندم؟؟
لما يكونوا الاطفال السودانيين نفسهم هما اللي مسميين الدبدوب بتاعهم على اسم سيدنا محمد هي ايش دخلها؟؟؟
و فيها ايه لما تكون مواطنة لها قيمة عند حكومتها و يخرجوها من الحبس و يرجعوها بلدها
ما هو ده المفروض عمله في حالات كتيرة زي دي و ان شاالله يحبسوها هناك بس تبقى في بلدها
مش هو ده اللي بنشتكي منه لما مواطن مصري متهتمش بيه السفارة المصرية و لا الحكومة و نرجع نقول ان احنا رخصنا؟؟
حاجة اخيرة ان شاء الله
انه زي ما مروة الزارع قالت المفروض كان الاب يبلغ عن الواقعة دي و متقوليش انه لو بلغ مافيش حاجة حتم عشان دي امريكا و كوندي حتشعللها و الكلام ده
عيب ميصحش
ازاي عاوز تغير و تقاتل و انت خايف و محاولتش تقاوم و لو بالتبليغ؟؟
و حتى لو كوندي كانت جت و عملتها هوليلة بس على الاقل كان الخبر اتنشر بطريقة او باخرى و بقت له مصداقية و كانت الناس و لو نسبة بسيطة منهم اخدت فكرة عن الموضوع و اتحركت هي بدورها
بس انه الاب ميبلغش عن الموضوع ده يبقى تهاون منه هو شخصيا

تحياتي

خبيب said...

القضية ليست في المدرسة ذاتها

القضية في الحرب الدائرة

أن نعلم اين نذهب بأبنانا

ماذا نعلمهم

كيف ننتبه لهم

القضية ليست فقط في تعليمهم كراهية النبي صلى الله عليه وسلم

القضية تمييعهم الذي يجري عيانا بيانا جهارا نهارا على التليفزيون والجرائد

مسح كل ما يتعلق بدينهم وهوياتهم من عقولهم

بل مسح كل ما يتعلق بكل شئ !

المهـ إلي الله ـاجر said...

حقيقتا تلك القصة قراتها منذ عامان او اكثر وكانت علي لسان احدي وليات الأمر والتي حدث معها هذا الامر

ولا ادري أي القصتين هي الأصح (:

أو لعل القصتين حدثوا فعلاص

لكن عموما لو صح هذا لكان من حق هذا الصديق ان يقلب تلك المدرسة رأسا علي عقب

خمسة فضفضة said...

السلام عليكم ورحمة الله وبركاته

لا حول ولا قوة الا بالله

ارجع اقول احنا السبب احنا اللي فرطنا في تربية اولادنا ووديناهم بادينا لاعدائنا علشان يربوهم ويزرعوا جواهم كرههم للاسلام ولكل ما يمت للاسلام بصله
العيب في الاول والآخر علي الاسر اللي مش بتابع ولادهم في المدارس بيتعلموا ايه ولا ايه اللي بيتقالهم
ولو صاحبك ده ماعرفش الموضوع بالصدفه كان عمره ماهايعرفه زي ماهايحصل مع اسر تانيه كتير اوي

واللي زادوغطي الخبر اللي قريته مؤخرا عن ان وزير التربيه والتعليم هايسمح للمارس الخاصه بالاستعانه بالمدرسين الاجانب ، علشان يبقي في كل مدرسه قنبله موقوته علي شاكلة هذه المعلمه الامريكيه

ربنا يستر

العاشق....محمد على said...

هذه هى النوايا الحقيقية للاحتلا احتلا فكرى يريد ان يبنى فى اطفالنا كراهية النبى واتباعه "شئ جميل قوى عيسى يأتى بالحلوى ومحمد لا ياتى بشئ"فكرة خبيثة وشيطانية من أمرأة قريبة الصله من قريب اومن بعيد من ابليس عليه لعنة الله ولكن يااخى منذ زمن نتحدث عن الاحتلا ل الفكرى فى كل حاجة بدور حوالينا المطاعم الغربية الجينز ..الخ,,ولكن لا جدوى من الحديث...فى حاجة زى كده حصلت فى السودان من مدرسة انجليزية وتم عقابها وغادرت البلاد والدنيا قامت ىومقعدتش ..لو هنا مش بعيد يقبضوا عليك...انا لله وانا أليه راجعونز

MerMaid said...

عزيزي محمد
ارجو متكونش زعلان مني لاني اتاخرت في التعليق
انا بالفعل جيت امبارح بس معرفتش اعلق اقول ايه
خفت اقول كلام و يتاخد علية وقتها
المهم بجد انا فكرت كتير قوي في الكلام اللي حضرتك كاتبه في البوست
عاوزة بقي اعلق
ممكن؟؟؟

--------------------
اولا الحالة دي حالة فردية
يعني حضرتكاو اي حد ميقدرش يجزم ان الموضوع ده مؤامرة او سلوك مدرسة كاملة
لانه لا
هو فقط حالة فردية
المدرسة اللي عملت كدة دي سواء كانت امريكية او بريطانية هي عملت كدة بدافع حبها لدينها
يعني هي عارفة مثلا انها صح و عاوزة الكل يتبع الدين ده
نفس الحال مع المسلم اللي عاوز ينشر دينه في امريكا
و نفس الحال مع اليهودي اللي عاوز برضه ينشر دينه
وكذلك البوذي و الملحد
كل دول بشر عاوزين ينشروا معتقداتهم و اديانهم
وده مش عيب ولا حرام
و بعدين كمان مش كل المنظمات الامريكية او الاجنبية عامة بتسلك السلوك ده
لا في ناس بتحترم الاديان جدا و بتحترم حرية المعتقد
:)

موضوع جميل
اشكرك
تحياتي

الفاتح الجعفري said...

والله حضرتك انا لااتعجب تماما لاني عارف الحكايه دي وانها بتحصل من زمان وبتحصل في الكنائس بنفس الاسلوب طب انتي عارفه واحد صاحبي حكالي عن احد اقاربه ادخل ابنه مدرسه خاصه يديرها النصاري وفي يوم وهو بيتكلم مع اولاده هما عملوا ايه عرف ان احد القساوسه كانوا بيزوروا المدرسه وهما قبلوا يده
الخطر الحقيقي اننا فعلا نودي ابنائنا الي هذه المدارس التي ماوضعت اساسا الا للتنصير وحتي لو معملوش كده اين العقيده اين عقيدة الولاء والبراء
علي العموم جزاكم الله خير علي عرض هذا الموضوع وربنا يبصر المسلمين

وطني said...

جزاكم الله خيرا أخي الكريم وأضم صوتي لصوت عصفور المدينة وأستأذنك بوضع التدوينة على مدونتي لأني اليوم بدأت في تناول هذا الملف الخطير
و أدعوك لزيارة مدونتي المتواضعة
وطــــــــــني

Bent Masrya said...

اخي الكريم

لقد سمعت عن هذه القصة من قبل و ربما قرأتها في احد الصحف لا اتذكر المصدر الآن و لكني قرأتها

و اشكرك على اعادة نشرها

ربما كان السبب في انتشار مثل هذه القصص او الوقائع هو تحذيرنا من نوايا البعض ممن نثق فيهم كمربين لابنائنا

ان كانت مجرد حدث فردي الآن فربما يكون هناك بعض من الافراد الذين يتصرفون على نفس المنوال

ان حدثت مع صديقك يجب عليه ان يبلغ السلطات و وسائل الاعلام جميعها و لا يسكت على هذه الافعال

لان اقل ما سيحدث بعد ذلك ان النسا ستبدأ في الاخذ بحذرها و يكون صديقك قد افاد الجميع بالتبليغ عن تلك الحادثة و اسم المدرسة و المعلمة ايضا

mohand said...

السلام عليكم

تعليق بسيط

هل الاب اللي بيصلي وبيعلم ابنه دينه
معلموش ابدا قبل ما المدرسة تقوله كده ان ربنا بيحبك والرسول عليه لصلاة والسلام بيحبك

دا طفل فوق السبع سنوات

علموهم يا اخي
اعتقد انه مشترك في الجريمة لو صح اني اسميها جريمة

تحياتي

Nsreen Bsunee said...

عزيزى محمد
انا قريت الواقعه دى قبل كده عند نواره ومينا بس كانت بتتكلم على ان مدرسه مسيحيه بتكره اولاد مسيحيين فى النبى محمد عليه الصلاة والسلام
اتوقع جدا حدوث تلك الواقعه كما رواها لك صديقك فليس فى الامر داعى لتكذيبه لانه مش شئ غريب او خيال علمى ده واقع وبيحصل لكن حله بسيط جدا علم ابنك ربيه كون تفكيره ومبادئه ومش حيكون فى مشكله الاسلام قوى لن نخاف عليه من اى شئ تافه زى ده الاسلام صمد وانتشر فى وقت كان اليهود والمسيحيين فيه اكثر تدينا وانتشر الاسلام واعتنقه رهبان وقساوسه يبقى ليه دلوقتى حنخاف من الحركات التبشيريه ده شئ طبيعى انا مسلمه وبحب اتكلم عن دينى ومفتخره بيه وممكن اوى فى يوم من الايام اكون انا او انت سبب فى دخول شخص ما من ديانه ما فى دين الاسلام يبقى ليه نعيب على غيرنا انه يحب دينه ويحاول نشره ولو مسلم اعتنق ديانه اخرى وخرج عن الاسلام يبقى هو مكانش مسلم قوى حق من الاساس يبقى هو مكانش مؤمن بالاسلام من الاساس انك لا تهدى من تحب ولكن الله يهدى من يشاء الدين لله ولله وحده
ولو كان فى كل الموضوع ده شئ يضايقنى فهو تخلف المدرسه وجهلها وتقليلها من قيمه نبى الاسلام عليه الصلاة والسلام بطريقه متخلفه زيها
الاسلام عزيزى محمد ليس بهذه الهشاشه والنبى محمد تاريخه واخلاقه مؤرخه ويعرفها العالم كله هذا الرجل الذى اخرج الجزيره العربيه من ظلام الجهل والتخلف والوثنيه الى نور الحق وتوسع بامة الاسلام يعرف العالم كله قدره واى محاوله لتشويه صورته فهى دليل على ضعفهم هما ولا تهز من قيمته شئ صلى الله عليه وسلم
محمد بوست رائع زيك
تحياتى ليك اوى

m5m said...

عصفور المدينة :-
عندك حق يا أستاذى...متشكر أنك شرفتنى مرة أخرى بعد غياب طويل

m5m said...

لا للسكوت :-
أختى الفاضلة..أهلا بيكى مرة أخرى...النقطة الأولى فى ردك هى بالظبط قصدى من البوست ده
أشكرك انك فهمتينى وتقبل الله صالح دعائك وجعله فى ميزان حسناتك ان شاء الله

m5m said...

:نوران هانم الشاملى
(خيخة سابقا)
والله موضوع تفاصيل المدرسة ده صعب أنشرها للأسباب اللى ذكرتها فى التحديث..بس عشان خاطرك انتى بس حاقول لك انها فى مدينة نصر...بس خلاص

m5m said...

:- مناجاة
غريب جدا الكلام ده..يمكن ده من منطلق ان اليتامى مالهومش صاحب يدافع عنهم؟
حسبى الله ونعم الوكيل

m5m said...

:- دعوة الفردوس
كلامك يؤكد ان ده جهد تبشيرى متكرر ويدعو للحذر أكثر
المشكلة ان مستوى التعليم المتدهور فى مصر يدفعك دفعا الى هذه المدارس

m5m said...

CoCa :-
أهلا بيكى شرفتينى..فعلا متابعة ولادنا مهمة جدا وده قصدى..
هلى فكرة الاستايل الجديد اللى عملتيه لمدونة هاجر ميراميد تحفة أهنئك عليها

m5m said...

:- الفاتح اليعقوبى
أستاذى العزيز سعيد جدا بتشريفك مدونتى المتواضعة وبكم استفادتى من علمك الغزير أنت وأستاذى الفاتح الجعفرى هنا أو عند هاجر ميراميد
طبعا توجد محاولات دائمة أتذكر منها محاوبة زميل لى فى الابتدائى كان اسمه فريد لجرى لتلك المتاهات لولا أن تداركنى الله برحمته..لكن الفظيع انها تكون من معلمة مؤتمنة على أجيال ولكنها تخون الأمانة وتدمر أجيال لن يخسرها الاسلام ولن تكسبها المسيحية

تحياتى

m5m said...

:- عاشقة الفردوس
فعلا..بنجرى ورا النفخة الكدابة

تحياتى

m5m said...

appy:-
حصللنا الرعب يافندم..ابقى هاتى لنا واسطة بقى نقابل يوش لما ييجى باعتباركم عائلة أمريكية الهوى..:))D

أولا أنا ماقلتش ولا عمرى حاقول ان ده بيحصل فى كل المدارس..أبدا أبدا..حتى المدرسة دى ذاتها مدرسة ذات سمعة محترمة ولا ينقص منها وجود تلك المعلمة الخبيثة بين صفوفها

ثانيا :- مين أكد لك ان ده مش حصل فى مدرسة بنات تانت؟مايمكن حصل وماقالوش؟ أو حصل فى فصول تانية غيرهم؟ممكن ولا لأ؟

ثالثا : أنا طبعا عارف الشويفات كويس وأحب ألفت نظرك أنها بالاضافة لسمعتها الطيبة فهى مدرسة لايمكن تقفل مهما حصل وبرضه مش ممكن يحصل فيها حاجة لأن ببساطة المدرسة دى فيها أحفاد الريس

رابعا :- تانى مرة لو حاتتكلمى بالدولار واليورو كده تانى وتغيظينى حابطح روحى بقلة و أجرجرك انتى ولوزا ورايا

تحياتى

m5m said...

:- حفصة هانم
فى اعتقادى أنها اول زيارة لسيادتك عندى ويارب ماتكونش الأخيرة و أشكر رامز عباس العبد اللى جذب الى مدونتى خيرة الناس
.....
بالنسبة لأولا :- لن أستطيع ورجاء قراءة التحديث
.....
موضوع المدرسة البريطانية ببساطة وبدون تعريف الظلم أو غيره أنا رديت بما هو معلن ومعروف ولايوجد أى اثبات ان الأطفال هما اللى عملوا كده وأول مرة أسمع الكلام ده من رامز ومنك ولما رامز قال كده رديت عليه احتمال قائم بس المعلن هو غير ذلك وغريب أن نتبنى وجهة نظر غير مبرهنة الا اذا كان الغرض مجرد الاختلاف
......
موضوع تدخل السفارة والحكومة لاغبار عليه طبعا وحقها حكومتها تحترمها..بس الغريبة ان نفس الحكومات دى مابتحترمش الأخرين لو كانوا فى نفس المواقف..سيبك من عدم احترام حكوماتنا لينا لأن ده موضوع منتهى من زمان

.....
حتة ابلاغ دى برضه رديت عليها فى التحديث وهى ليست بيدى
......
النقطة المهمة جدا اللى احب أأكد لك عليها انى عكس فكرة حضرتك عنى خالص يعنى أنا لست مناضل أو مكافح أو أى مسمى من هذه المسميات العتيقة
أنا مجرد شخص بيدردش..بيشخبط ع الكيبورد بدل ما يشخبط ع الورق...وبارحب جدا بأى انسان محترم ذكرا كان أو أنثى يشاركنى هذا النشاط الانسانى...أما موضوع النضال والكفاح ده فمش سكتى خالص ولا فى دماغى يافندم
تماما مثل رأى سيادتك فى تدوينة رامز الأخيرة

تحياتى

m5m said...

:- خبيب
والله صدقت وكلامك صح 100%

m5m said...

:- المهاجر الى الله
رجاء قراءة التحديث أعلى التدوينة

شرفتنى

m5m said...

:- خمسة فضفضة
وعليكم السلام ورحمة الله وبركاته
بصى بقى..تعليقك بصراحة أحلى تعليق قريته..انتى جبتى الخلاصة كلها
الله ينور عليكى
تحياتى

m5m said...

العاشق محمد على

عندك حق والله فكرة ماتطلعش غير من ابليس ذاته وده بيفكرنى بأحدث تدوينات فرنسا هانم عن ابليس اللى بقى خالى شغل بعد البنى أدمين ما قفلوا عليه كل السكك وبقوا ألعن منه

تحياتى

m5m said...

:- ميراميد
طبعا مقدر موقفك ومستشعر حرجك كمواطنة أمريكية لا تريد التورط فى انتقاد مواطنتها
.......
أولا دى مش حالة فردية وأنا أقدر أجزم انها مؤامرة لكن ماقدرش أقول انه سلوك مدرسة كاملة..ازاى بقى
لأن الحالة الفردية هى من فرد الى فرد وليس من فرد الى أجيال..دى معلمة مؤتمنة على عقول أجيال فلما تخربها بالشكل ده تبقى مش حالة فردية وتبقى مؤامرة منظمة على مدار أجيال و يدعم هذا كم التعليقات اللى سمعوا نفس الكلام وتعليق الفاتح اليعقوبى اللى بنحترمه أنا و انتى...أما سلوك مدرسة كاملة فده طبعا مش مؤكد لدينا
..........
كلامك انها عايزة تنشر دينها ومعتقداتها وده مش عيب ولا حرام..
اسمحى لى ده قمة التهريج لأن ده ممكن يكون المنطق لو هى بتدعو من هم فى نفس سنها وعقليتها واللى يقدروا يجادلوها الحجة بالحجة لكن أن تفعل ذلك مع أطفال هى مستأمنة على عقولهم وبفلوس أهلهم الغافبين فده يبقى عيب وحرام وتهريج وقلة أدب وسفالة كمان..وياريت تقرى التعليق المحترم بتاع عباس العبد ( وهو مسيحى الديانة) لتتأكدى أن ذلك ليس من حقها
وبعديت انتى ناقضتى نفسك فى أخر مقطع لما قلتى
و بعدين كمان مش كل المنظمات الامريكية او الاجنبية عامة بتسلك السلوك ده
لا في ناس بتحترم الاديان جدا و بتحترم حرية المعتقد

وده معناه اعترافك ان تصرف المعلمة دى لا يحترم الأديان وحرية المعتقدات

......
هاجر
ياريت تراجعى نفسك
أنا معاكى ان ظروف البلد محبطة
وفيه حاجات كتيرة مش مظبوطة
بس ده مش معناه دفاعك الحار عن كل ماهو أمريكى
فأنت مصرية قبل أن تكونى أمريكية
أنا لا أتهمك فى دينك أو وطنيتك
لكن كله الا الدفاع عن التبشير يا هاجر...يكفيكى سقطة الدفاع عن اليهود
عافاكى الله من هذا و ذاك
....
ياريت ماتزعليش منى

m5m said...

:- أستاذنا الفاتح الجعفرى
ياريت تكون الحكاية توقفت عند بوس الايد تبقى مبلوعة..أهى يمكن تجاوزها من باب احترام الكبير
المصيبة فيما بعد ذلك

جزاك الله كل خير

m5m said...

وطنى:-
يكون لى الشرف يا فندم..ولكن نصيحة من أخ : لاتصدق كل كتابات أبو اسلام

تحياتى

m5m said...

bent masrya:-
شكرا ورجاء الاطلاع على التحديث والردود السابقة

شرفتينى

m5m said...

mohanad:-
ربما كنت على حق يا سيدى
شكرا لك

m5m said...

nsreen bsunee :-
عندك حق طبعا..الاسلام قوى ولن يهنز وهو غالب باذن الله ولكن هذا لا يمنع من الحذر والاهتمام بعقول أطفالنا لأنهم هم مستقبل أمة الاسلام ان شاء الله
نرجو الله أن يعزهم بالاسلام ويعز الاسلام بهم انه هو السميع العليم

أشكرك جدا وفى انتظارك دايما

مروة الزارع said...

محمد

انتى فين

مش بشوفك عالميل خالص

انا والله قلقانة عليك

m5m said...

العزيزة مروة
أشكرك على سؤالك...أنا موجود وحالى كما فى التدوينة الجديدة

ادعى لى