Share |

January 28, 2008

رسالة


رنت صفارة هاتفه
قرأ رسالتها

"بذمتك
بصراحة
لاتخجل
قول الحقيقة
بدون كسوف
أو احراج
بذمتك
ماوحشتكش؟ "

.........................................................................
رنت صفارة هاتفها
قرأت رده

"كلمة
وحشتينى
مش كفاية
بس
خايف عليكى
منى"

......................................................................
فى اليوم التالى
ضاع ها تفه ...... وضاع معه رقمها...ورسالتها

35 comments:

appy said...

هى الرساله دى لمين هو الرقم بتاع مين اللى ضاع بس وانا اجيب لك تانى ولا الرساله متوجهه لحد معين ومش بغمز بعينى اهو
وبقولك ايه ملكش دعوة بالخناقات بتاعتى لو سمحتى اصل فيه ناس كده بتغيظنى وبيزهقونى فى حياتى خلينى اتسلى عليهم شويه ههههههههههههه

د/ غادة said...

حد عاوز يتخانق هنا
ههههههههه
:)

مقولتش هو بيحبها؟؟؟؟؟؟؟؟

appy said...

على فكرة يا دكتورة وقتك سمين قوى ابقى اعملى له رجيم ههههههههههههه والله انتى سكر حققتى ليه اللى فى دماغى يا قمر انتى بجد وانا مش هتخانق خلاص لان عيب عليا ومامى قالت ليه متتخنقيش مع دكاترة بصراحه
محمد ابقى رد عليها بليز

Desert cat said...

ده ايه الهنا ده
الدكتورة غادة موفرة من وقتها الثمين اوى اوى وجاية هنا ترد فى البلوجات كمان ...
مع انها حاجه غريبة ومش بشوفها غير فى مدونة مروة اللى هى زى بنتها بالظبط وبتحبها لله فى لله
طيب يا ربنا يديم عليكى محبة الناس ويبعدك عن الخناقات يا مروة
قصدى يا دكتوووورة
معلشى سؤال بس محدش بيعمل الرمز بتاع الوش اللى بيضحك ده فى الردود غير مروة وميرميد
:(

m5m said...

:-أبويا

باقولك ايه يا أم لوزة انتى....انتى جاية تكملى خناقاتك هنا ولا ايه؟
هارش عليكوا ميه بعدين

وبعدين أرد على الدكتورة بليز ازاى يعنى؟ هاه؟ مافيكيش لسان وانتى مركبة 44 واحد بسم الله ماشاء الله؟ :((

...................

ياستى مش نمرة حد معين ولا موجهة لحد معين...انتى قاعدالى ع الواحدة؟ تقدرى تسميها "تخاريف سفر"....(خدى بالك مراتى بتعدى هنا ساعات)....احممممم

m5m said...

د.غادة

أهلا وسهلا يافندم وشرفتينى

....تفتكرى انتى ايه ؟

m5m said...

:- قطة الصحراء

ايه ياجماعة هو أنا حاقف لكم عارضة؟ كله جاى يكمل خناق هنا؟

بعد كده حاعمل تذاكر
جاى تقرا لى وتعلق عندى ببلاش وممكن تاخد بوسة ( على حسب)....جاى تكمل خناق عندى ادفع التذكرة

appy said...

خلاص يا محمد انا منسحبه وهلم قطتى معايا ومترشش ميه فىالبرد ده بليز وبعدين انا مقصدش حاجه وبعدين بطل تخاريف السفر دى بقى علشان زهقانا منها هههههههه ترجع بالسلامه يا رب لبيتك ومراتك

د/غادة said...

بعد أذنك يامحمد

على فكرة أنا عرفت عالم التدوين عن طريق مروة وكانت أول معرفتى بيها لما قابلتها صدفة فى شات أسمة إيماش وأبتديت أعرف من ساعتها المدونات
ثم حضرتك أنتى والقطة هو عيب لاسمح الله أنى أقلد حد فى وش بيضحك أو بيرقص حتى سبحان الله
وممكن أعرف بقى يا أبى أية اللى فى دماغ معاليكى إللى أنا حققتة من فضلك وأعتقد أنة مش من الذوق السخرية

بت خيخة وأى كلام said...

حتى لو ضاع الموبايل
المفروض انه حافظ رقم تليفونها
يانهار اسود يعنى علشان الموبايل ضاع
يقوم يقطع علاقته بيها
ده ايه المصيبة دى
احفظوا الرقم بقى ماتودوش نفسكم فى داهية

Nsreen Bsunee said...

ده مين الراجل المحترم ده اللى خايف على حبيبته منه

هو النوع ده من الرجال لسه موجود
؟؟


مأظنش000

Nsreen Bsunee said...

غاده
مش من الذوق السخريه
مش شايفه ان كلمه ذوق دى مش لايقه عليكى
ومبروك المدونه الجديده بقى عندك 3 مدونات اهو ربنا يزيد ويبارك

mado80 said...

محمد
ازيك

بجد بوست احساسه عالي أوي

تحياتي ليك يا محمد والي الأمام دائما

مروة الزارع said...

امممممممممممممم مش عارفة البوست دة مكنتش متوقعاة منك خالص بس جميل أوى

ممكن سؤال بس

هو خايف عليها منة لية؟

m5m said...

:أم لوزة

انسحابك مقبول...وهى دى تخاريفى بقى اذا كان عاجبكم : ((

ميرسى على دعائك

مدونتك تقييييييييييييلة قوى كل ما أفتحها اللاب توب يهنج....خفيها بقى وارحمينا

m5m said...

:-د.غادة كمان
يعنى كده انتى خالفتى القواعد و عليكى تذكرة يافندم...عشرة جنيه لو سمحتى...خلونا نلم تمن كروت النت فى البلد الغبرة اللى أنا فيها دلوقتى دى

أنا سعيد انى أعرف قصة تعارفك انتى ومروة بس الحقيقة ده مش مكانه

وبعدين أنا لاحظت انك عملتى مدونة..طب ليه عاملة الدخول بتذاكر عندك؟ ع الأقل نرد لك الزيارة

.............

كفاية خناق بقى لو سمحتم

m5m said...

نوران هانم الخيخة

نعمل ايه بقى...رجالة عايزة الحرق ياختى

ايه كل التدوينات الجديدة عندك دى؟ كل ده فى أسبوعين؟

لما أرجع بقى أنقى أعلق فين منهم

تحياتى لهانى و شريف

m5m said...

:- نسرين بسيونى

صدقينى فيه رجالة محترمة من النوعية دى لسه موجودة....بس قليلين

بالظبط زى مالبنات اللى تستاهل كده بقوا قليلين
............
نورتينى

m5m said...

: نسرين بسيونى مرة كمان

كده عليكى عشرة جنيه تذكرة
.........................
وبعدين ايه حكاية 3 مدونات دى؟ دى هى واحدة لسه عاملاها امبارح
.
.
.
الا اذا كان قصدك اللى فى بالى يالئيمة :))P

m5m said...

:- مادو

ميرسى قوى ياجميل على ذوقك...متهيألى دى أول مرة تشرفنى ويارب ماتكونش الأخيرة

أوعدك أرد الزيارة بسرعة ان شاء الله

تحياتى ليك

m5m said...

:- مروة الزارع

ياعينك يا جبايرك يا شيخة

يعنى كل الخناقة دى بسببك وانتى ولا هنا؟

طبعا خايفة تدفعى تذكرة يا مفلسة
.
.
.
ايه بقى ماكنتش متوقعة البوست ده منك دى؟

يعنى البوست وحش فكنى متوقعة حاجة أحلى؟
ولا البوست حلو وانتى متعودة ان بوستاتى وحشة؟
.
.
.
حانتخانق هنا كمان؟
.
.
.
بالنسبة لرد سؤالك :- لما أشوفه حاسأله

appy said...

محمد هرد رد واحد بس اخر مرة الله يخليك من غير خناق
ممكن
ممكن
ممكن
اها صح اللى فى دماغك اللى نسرين تقصده
هههههههههههههههههههههههههه
ده اكتشاف يا عبقرى والله وليه نقط كتيرررررررررررررررررررررررررر قد البحر فيه
انا برد عليك انت اهو مش بتخانق هههههههههههههههههههههههه

مروة الزارع said...

ههههههههههههههه

مش قصدى ان البوست حلو ولا وحش

بس عارف حاجة مفجأة كدة

طلعت رومانسى أهوة

:)

بس على فكرة المفروض كان يكون حافظ رقمها

ولا يمكن تقصد إن وشها طلع وحش علية وطلعت فقرية وضاع الموبيل بسببها

:(

ههههههههههههههه

عالعموم بجد البوست جميل ولو شفتة خلية يجاوبنى على كل الأسئلة دى + السؤال اللى فات

...............

ممكن أعرف بقى أية هو إللى فى دماغكم أنت وأبى ونسرين؟
عشان أبقى متابعة زيكم يعنى
أصلى ياجماعة ذكائى 12% بس

.............

نسيت أقولك ترجع بالسلامة يامحمد

وحشتناااااااااااااااا

m5m said...

:- أم لوزة

فرحانة قوى بالاكتشاف؟ ماهى كانت واضحة ياختى

ع العموم الحقى سجلى حق الملكية الفكرية أحسن تتنشلى انتى كمان:))

فاهمانى واللا أخبطك بقلة؟

m5m said...

:الحاجة مروة الزارع

بس عارف حاجة مفجأة كدة

طلعت رومانسى أهوة
.
.
.
لسانك بيحدف.....سكر
...........................
الموبايلات ماخلتش حد يحفظ رقم حد...أنا مثلا مش حافظ رقم أبويا ولا أمى ولا مراتى ولا أخواتى....كله ع الفون بوك يا ماما
معلش بقه اعذريه غشيم.
.
.
.
محسسانى اننا بنحلل ماتش كورة...هى جات فى دماغى كده..أعمل لك ايه يعنى؟
..............................
مش حاشوفه ومش حاسأله
..............................
ماليش دعوة ياختشى..روحى اسألى نسرين و أبى
.
.
.
بس انتى مالك؟ مش الكلام لغادة ولا ايه؟

........................
الله يسلمك..وانتوا كمان وحشتونى كلكم

MerMaid said...

ههههههههههههههههههههههههههه

بجد انا بضحك علي التعليقات و علي تعليقك عليهم
:))
وحشتنا قوي يا محمد وانت عارف كدة و مستمر في سفرك
تيجي بالسلامة ان شاء الله
بجد بوست جميل

تحياتي ليك و معلش علي التاخير
:))

بت خيخة وأى كلام said...

هههههههههههههههههههههه
ههههههههههههههههههههه
ههههههههههههههههه
لا انا مش بضحك على البوست بتاعك
انا بضحك على تعليقك عندى
لقيت تعليقك فطسنى على روحى من الضحك قلت اجى اضحك هنا
ههههههههههههههههههههههه
هههههههههههههههههه
هههههههههههههههههه
بس خلاص كفاية عليك كدة
سلام اختك خيخة

خمسة فضفضة said...

السلام عليكم ورحمة الله وبركاته


آدي آخرة الاعتماد علي التكنولوجيا الحديثه في كل حاجه

المفروض انه لو بيحبها فعلا يكون حافظ رقم موبايلها ورقم تليفون البيت ورقم الجلوس كمان

m5m said...

ميراميد :-
هاجر هانم العزيزة....أتحدث اليكم من القاهرة...هااااااااااااااا...مين هناك؟

m5m said...

:نوران هانم خيخة
كل ده ضحك؟ ليه ياختشى؟
أهى قلبت بنكد
شكلك دبيتى خناقة عوائلية انتهت الى أنك حذفتى البوست كله
.
.
.
تقبلى مواساتى

m5m said...

:خمسة فضفضة
حيلك حيلك
ليه ده كله يعنى؟
هو عقله دفتر؟
ولا هو من قلة البنات؟ :)))
.
.
.
تحياتى

صوت من مصر said...

اكيد الى لقه التليفون هو الى عاش الدور ولا ايه لذيذ جدا

Nsreen Bsunee said...

حمدلله ع السلامه يا محمد

تصدق كنت فاكراك مسافر على طول كويس انه سفر مؤقت الحمدلله

انا مش لئيمه والله يا محمد فيا حاجات وحشه اكيد عصبيه لسانى طويل بس مش لئيمه

على فكره انا نازله اسكندريه يوم الاربعاء 6فبراير اجازه قصيره 15 يوم فقط ادعيللى اوصل بالسلامه ويكون وشي حلو على مصر وناخد الكاس بتاع افريقيا نفسي فى اى حاجه تفرح

m5m said...

:- نسرين بسيونى

طبعا أنا مش قصدى لئيمة بمعناها الوحش..أنا كان قصدى لئيمة فى التلميح..يعنى سيادتك تغبير موظف فى خدمة الدراما..ههههههه
حاجة زى الاغراء كده
.
.
.
توصلى بالسلامة و مصر حاتنور بيكى وان شاء الله يبقى وشك حلو على مصر فى الكورة وف حاجات أهم من الكورة

تحياتى

مروة الزارع said...

هو تليفونة ضاع تانى ولا أية

:)))))