لما الشتا يدق البيبان
لما تنادينى الكريات
لما المطر يغسل شوارعنا القديمة والحارات
ألقانى جايلك فوق شفايفى بسمتى
كل الدروب التايهة تنده خطوتى
كل اليالى اللى ف قمرها قلبى بات
مش جاى ألومك ع اللى فات
ولا جاى أصحى الذكريات
لكنى باحتاج لك ساعات
لما الشتا يدق البيبان
كنا طفولة حب لسه ف أوله
بنضم بايدينا الحنين وبنوصله
خريف ندانا والشجر دبلان
بردانة كنتى وكنت انا بردان
ضمت قلوبنا بشوق ولهفة نبضها
لما التقينا الخطوة عرفت أرضها
أجمل معانى الحب غنتها النايات
مش جاى ألومك ع اللى فات
ولا جاى أصحى الذكريات
لكنى باحناج لك ساعات
لما الشتا يدق البيبان
تتصورى
رغم اننا شايفين طريقنا بينتهى..
تتصورى
لا عمرى حاقدر ع الفراق ولا انتى عمرك تقدرى
تتصورى
لسه حنينى بيندهك رغم البعاد
ولسه زهرة حبنا بتطرح معاد
لكن بيغرق حلمنا ف بحر السكات
مش جاى ألومك ع اللى فات
ولا جاى أصحى الذكريات
لكنى باحتاج لك ساعات
لما الشتا يدق البيبان
December 25, 2007
ياخوفى من الشتا
December 19, 2007
الماجيك..."حاييجوا منييييييييين"
كل من شاهد فيلم أوقات فراغ سيشعر أن الماجيك أقل مستوى...ومن لم يشاهده سينبهر بالتأكيد حين يشاهد الماجيك..فى الحالتين أدعو كل من يحب السينما و يحلم بلغة سينما جديدة لمشاهدة شريط سينمائى جميل.....وانتبهوا جيدا لهؤلاء:- عمرو عابد-كريم قاسم-أحمد حاتم-فرح...........فهؤلاء هم نجوم المستقبل
December 3, 2007
الجيش يقتحم جزيرة القرصاية
ياخير أجناد الأرض....خلص الكلام
مش حاقدر أقول أكتر من نوارة..حقيقى مش قادر أصدق
هى ليه القيامة بتقرب قوى كده
رحمتك يارب
Subscribe to:
Posts (Atom)