Share |

January 18, 2008

ياصاحبى انى حزين


المدونون عندى ثلاثة أنواع


نوع يحتويك بداخله ويسكنك بجوار قلبه ويشعرك بالرغبة الأكيدة أن تحمله بين ثنايا روحك حتى وان كنت لا تعرفه بشكل شخصى ولم تقابله أبدا الا عبر صفحات مدونته
ونوع يجذبك ولكن يحتفظ بينك وبينه بالمسافات والحدود الرسمية لعالم افتراضى اسمه التدوين
ونوع ثالث يجعلك تسارع باغلاق جهازك اذا تصادف و مررت ولو خطأ عبر صفحة مدونته
.........................
والبراء أشرف يأتى عندى على رأس قائمة النوع الأول
هو عندى تطبيق لقول رسول الله "الأرواح جنود مجندة..ماتعارف منها ائتلف..وماتنافر منها اختلف"
أبكانى البراء أشرف اليوم كما لم أبكى منذ زمن طويل
أبكانى بتدوينته الأخيرة التى سيضمها مجموعته القصصية المرتقبة والتى من فرط عذوبة أسلوبه فيها لا أعرف حتى الأن هل يتحدث عن نفسه أم ذلك سحر بيانه
ولكنى بكيت
........................
ساعدنى على البكاء مرورى منذ أسبوع بحالة من الشجن..حزن صموت....تنتابنى كثيرا فى الشتاء....أشعر بأعراضها كلما فقدت الرغبة فى كل شىء وأى شىء..... كلما شعرت أنى مثل الليمونة التى جفت من كثرة العصر.....كلما كثرت رحلاتى الليلية الصامتة فى التنزه فى الشوارع المظلمة...كلما شعرت بالرغبة فى الصمت العميق و عدم الرد على أى شىء...كلما أكثرت من الالتجاء الى حضن أمى وزوجتى.......كلما وجدت نفسى أسرع الى ديوان
صلاح عبدالصبور لأقرا :-
ياصاحبى انى حزين
طلع الصباح فما ضحكت ولم ينر وجهى الصباح
وخرجت من جوف المدينة أطلب الرزق المتاح
وغمست فى ماء القناعة خبز أيامى الكفاف
.
.
.
والحزن يولد فى المساء لأنه حزن ضرير
حزن طويل كالطريق من الجحيم الى الجحيم
حزن صموت
والحزن لا يعنى الرضاء بأن أمنية تموت
وبأن أياما تفوت
وبأن مرفقنا وهن
وبأن ريحا من عفن
مس الحياة فأصبحت وجميع مافيها مقيت

..........
نعم يا شاعرى.....جميع مافيها مقيت
...........
ثم جاء براء وأجهز على جميع حصون مقاومتى....و أبكانى بكاء الغافل حين يستيقظ ...أشكرك يا براء
..........
أشكر جميع من سأل عنى تلك الفترة..فأناالأن حالى كما ذكرت..ولا أدرى أخير هذا أم شر....لكنى لا زلت أحيا على أية حال
و أستأذنكم فى اجازة ..فأنا على موعد مع السفر لظروف عملى
.............
العزيز براء....ان لم يقابلنى صديقك فى سفرى هذا...وعدت لأجده لم يقابلك أيضا ان شاء الله..فأنت مدعو الى فنجان قهوة حيث تختار........فهل تقبل دعوتى؟
.............
هاكم اقرأوا ماكتب البراء

16 comments:

خمسة فضفضة said...

السلام عليكم ورمة الله وبركاته

سبحان الله انا فاتحه المدونتين مع بعض هنا وعند البراءكل واحده في تاب ، لقيته كاتب بوست طويل قلت اقرا هنا الاول

اروح اقرأ هناك وبعدين اجي اكمل تعليق

خمسة فضفضة said...

السلام عليكم ورحمة الله وبركاته

قريت وجيت تاني ، بصراحه حرام اللي براء عامله فينا ده

-----------

بالنسبه لكلامك علي انواع المدونين ، انا معاك جدا في التصنيف اللي انت قايله ده فيه ناس الواحد يحبهم ويحس انه يعرفهم من زمان ويبقوا قريبين من قلبه وناس تانيه يبقوا عادي زي اي حد بنقراله وناس تانيه مش بيطيقهم

الارواح جنود مجنده فماتعارف منها ااتلف وماتنافر منها اختلف
صدق رسول الله صلي الله عليه وسلم


----------

تسافر وترجع بالسلامه ان شاء الله

مروة الزارع said...

يااااااااااا يا محمد

انت هتسافر اد اية؟

متغبش كتير

هتوحشنا جدا بجد

نفسى اقولك والله متسافرش

بس مش هقدر

...........

عالعموم ترجع بالسلامة

...........

كنت قلقانة عليك والله جدا

Empress appy said...

هى حاله الشجن دى مأثرة على الناس كلها كده فى الشتاء ياااااااا بجد صعب قوى انا بقيت بيجيلى اكتئاب حتى من اسم الشتاء

Hypatia said...

محمد

مش حاقدر اقولك غير ان الدموع خير كبير ومن نعم الله علينا كمان
وماضاقت صدقنى غير لما فرجت
يعنى لو حاسس انها ضاقت اوى دلوقتى فا توقع فرج قريب باذن الله

والسفر فى الوقت ده ممكن يكون لمصلحتك ربنا يوفقك فيه ويهون عليك غربتك

نصيحه لو انت مغترب لفتره طويله فا ارجوك متبتديهاش بحزن حاول تسعد نفسك وتهون على نفسك عشان يبقى عندك قدره انك تكمل

وصدقنى برضه الغربه على قد ما هى صعبه على قد ماليها فوايد كتير انا مغتربه وعارفه انا باقولك ايه فا حاول تستفيد بالسفر وتستمتع بيه

وهون على نفسك

تحيه و ود

MerMaid said...

بجد انت فين؟؟؟

والله قلقانة عليك جدا جدا
بجد وحشتني قوي ...ومفتقدة تعليقاتك وكلامك لية

:((

زعلانة قوي

Unknown said...

أعزائى

لسه قادر أدخل نت دلوقتى....معلش ع التأخير....ملحوظة عامة ..وحارد عليكم بالتفصيل

Unknown said...

:خمسة فضفضة

بس بجد الولد بيكتب بشكل رائع...تدوينته تحفة....شكرا لزيارتك

Unknown said...

:مروة الزارع

ليه يامارو..كل دى ياه؟ ع العموم ياستى هما كلهم أسبوعين فات منهم أسبوع...مش قصة يعنى....شكرا لقلقك و سؤالك وماقلتيش رأيك فى تدوينة البراء؟

Unknown said...

:العزيزة أبويا

نغير اسمه يافندم..ولايهمك

Unknown said...

nsreen bsunee:-
شكرا على نصيحتك بس أنا ماقلتش خالص انى قلقان من السفر..أو ان الاكتئاب بسبب ده...وبعدين غربة ايه دى كلها مأمورية عمل أسبوعين وخلاص هانت يعنى....قريتى تدوينة البراء؟

Unknown said...

: ميراميد

ماقدرش على زعلك يا هاجر خالص..وانتوا كمان وحشتونى كلكم..أنا ياستى فى أدغال أفريقيا..المرة الجاية و أنا رايح أمريكا حابقى أستلف باسبورك
.
.
اضحكى بقى

Nisreen M said...

Well .I wish I will be in the first or the second category somday. i think U succeded in gategoriesing bloogers in easy and simple way.
I think that blogging is about: Time, Skill, Value, ability to communicates and luck.
Someone may write up a valuable post but pulling a traffic of dumpers.This is like Hanging a Picasso painting in front of a Somalis, hoping that he will act toward it. Indeed, U lose the main sense of what he is looking for and what he is in need of it, so the second post of U is from inside his stomach

Unknown said...

nisreen m :
it is my pleasure to have your valuable comment in my blog.I didnt intent to categorized the bloggers , but I talked about my personal feelings towards them.sure you will be in a good ranking level , especially that you have a lot of blogs, so you have more chances :))P

I will comment in your blogs very soon.

Thanks

مدحت محمد said...

رحت
لاقيته حاطط
لا اشاهد قناة الرسالة
اشاهد قناة otv
قلت اقلك انى هقفل الجهاز

البراء أشرف said...

صباح الفل..

أخجلني تعقيبك الجميل..

وبالنسبة للقهوة.. فسأكون سعيد بها.. أنتظر عودتك سالما غانما مطمئنا.

براء