Share |

February 10, 2008

والله وعملوها الرجالة



والله وعملوها الرجالة...رجالة مصر...وحوش أفريقيا


شكرا لذلك القائد المصرى البسيط...رمز الصدق وصفاء النية والاخلاص...أسعدك الله كما أسعدتنا


خيب الله ظنك دائما...يارمز الخبث والتأمر وسوء النية... يارجل الألف وجه والألف موقف...ودائما يرتد كيدك الى نحرك ان شاء الله













8 comments:

Empress appy said...

الف مبروك يا محمد انت فين مختفى كده بجد كانت فرحه كبيرة قوى محدش مقدرها والاجمل بقى الروح اللى كان فيها الناس فى الشارع هبقى انزل صور بكرة ولا حاجه عن الحاجات دى ومبروك ليك

Hypatia said...

مبروك يا محمد الف مبروك

شوبير ال00000 نسي الصفر بتاع المونديال المنافق الكلب ربنا نصر حسن شحاته عشان انسان ابيض ونضيف ياريت الكل يتعلم منه ياريت ننضف من جوا ونحب البلد ونتعب ونجتهد ونخلص النيه لله وللوطن والله حنبقي فعلن خير شعوب الارض احنا عندنا كتير كتير كفايه رجولتنا وقوه ارادتنا كفايه الحب اللى حسيناه واحنا ملمومين حوالين هدف واحد ياريت نتعلم بقي ياريت والحمدلله ع الفرحه الكبيره ديه انا كنت محتاجاها جدا

Unknown said...

appy:
الله يبارك فيكى يا رحاب...أنا موجود بس عندى حالة الخنقة اللى دايرة على كل الناس هاجر و نوران وغيرهم...

فعلا الحمدلله كانت فرحة كبيرة قوى..ومبروك لينا كلنا

Unknown said...

nsreen bsunee:

وشك حلو يا نسرين...ابقى انزلى دايما أجازة وبالذات قبل مباريات الأهلى.....شوبير ده كائن غريب..وعلى قد ما أنا أهلاوى على قد ماباكره الشخص ده وباكره انه طلع من الأهلى
فعلا ياريت الكل يتعلم من المعلم...وياريت يبقى لنا أهداف أقوى نتلف حواليها

مبروك ليكى فرحتك وفرحة كل مصر

الـسـيـدة نـون said...

ليه ليه
ليه احمد شوبير رمز الخبث والحاجات المكلكعة دى
هو فيه بينك وبينه تار ولا حاجة ولا انت تعرف حاجة عنه انا معرفهاش ياريت توضح علشان عايزة اعرف هو فيه ايه

اختك خيخة

Unknown said...

: خيخة
طبعا يام شريف انتى معذورة لأنك مش متابعة شئون الكورة..أحمد شوبير عدو حسن شحاتة اللدود وبيحاربه بقاله 3 سنين من أيام بطولة 2006 عشان عايز يجيب مدرب أجنبى و يسمسر من وراه و دايما فى برامجه بيقلل من حسن و يهاجمه لدرجة ان حسن شحاتة هدد كذا مرة بالاستقالة بسبب شوفير..
.
.
.
سيبك انتى....ايه أخبار بقية البنطلونات؟

Ahmed Al-Sabbagh said...

الف مبروك يا استاذ محمد

كلمتين فى الصميم

والف مبرووووووووك للمصريين

تحياتى

Unknown said...

: أحمد الصباغ
الله يبارك فيك يا خالو..وبلاش حكاية أستاذ دى والنبى