Share |

February 17, 2008

الجزيرة



أنا الحقيقة فى قمة سعادتى النهارده


فرحان جدا انى أخيرا شفت سينما بجد فى مصر فى السنين الأخيرة


سينما اتولد فيها ابتداء من الفيلم ده فنان مصرى موهوب اسمه : أحمد السقا


سينما متعتنى بأستاذية عملاقين اسمهما : محمود ياسين و عبدالرحمن أبو زهرة


سينما جاى فيها ممثلين صاعدين قمة فى الروعة اسمهما : محمود عبدالمغنى و باسم سمرة


سينما فيها فؤادة القرن 21 اللى اسمها : هند صبرى


سينما فيها غوووول تمثيل اسمه : خالد الصاوى

سينما فيها سيناريو بجد وحوار صح و تصوير فاهم واضاءة حساسة وموسيقى عذبة ومونتاج واعى
سينما فيها مايسترو عملاق ينحنى له كل عشاق السينما اسمه : شريف عرفة


سينما فيها فن بجد


سينما بتعرى الفساد بجرأة و بشجاعة وبصدق بدون تهجيص


بدون خطابية هى فوضى


وبدون اسفاف حين ميسرة


..............................................


سعيد جدا انى شفت فيلم " الجزيرة"

8 comments:

appy said...

مش هقولك غير انى دخلته مرتين وافهم انت بقى لو كنت قدرت ادخله التاله كنت دخلت

بت خيخة وأى كلام said...

معاك حق الفيلم كان روعة

MerMaid said...

ازيك يا محمد ؟؟
لسة هقرا الموضوع اللي تحت بتاع المنتخب واعلق عليه لان بجد انا كمان متضايقة قوي من اللي حصل ده
بجد نفس اللي انا فكرت فيه انت كمان قلته
كان من باب اولي انهم يحتفلوا مع المصريين في الاستاد و بعد كدة يروحوا في اي حتة تانية
بس طبعا كان تصرف عقيم من اتحاد الكورة
ع العموم انا اصلا بكره الكورة و مبحبهاش

كمان مدخلتش سينما من زمان قوي
بس طالما قلت عليه حلو يبقي حلو

:)
تحياتي ليك ومنور الدنيا

د/اجدع بنوته said...

الفيلم ده جامد نزياده

تسلم ايدك يامحمد

بت خيخة وأى كلام said...

انت مختفى ليه يا محمد

MerMaid said...

فينك يا أخ محمد ؟؟؟؟
بجد مالك؟؟ معتزل الحياة ليه؟؟
ماهو انت عندك حق تكتئب و تقرف ماهي البلد زي النيلة

بس بلاش تختفي قوي كدة

مستنيينك

Desert cat said...

انا شوفت الفيلم
حقيقى يستحق اوسكار 2007 - 2008 -2010 كمان
تحياتى

m5m said...

أشكركم جميعا على زياراتكم و اهتمامكم وردودكم

وعلى راى نوران خيخة

أشكركم على تواصلكم معايا

محمد