Share |

November 12, 2009

انتى جاية اشتغلى ايه ؟....خدامة

video

ع : أبوس ايدك ياست هانم

س : مالك بس يابتاعة انتى

ع: عايزين يشيلونى من ع الكرسى

س: عادى.. انتى صدقتى نفسك ولا ايه

ع: ماقدرش ولا استجرى ياست هانم ..أنا خدامتك وحافضل طول عمرى خدامتك...أنا بس خايفة

س : من ايه ؟

ع : رجالة البلد ضيعت حقوقهم فى المصانع والشركات ... ونسوانهم سفرتهم خدامات فى الخليج...ولو الحراسة اتشالت عنى ماعرفش ممكن ايه يحصللى

س : هههههه ..يعنى انتى كل همك الكام عسكرى ...بسيطة

ع : ولقمة العيش ياستى

س: (بقرف واضح) ...خدامين القصر كتير .. ابقى خليهم يرمولك حاجة تاكليها

ع : خيرك مغرقنى ياهانم ...مش قصدى... أنا عايزة شغلانة شريفة.. مين حايشغل ساقطة اعدادية

س : حبايبك بتوع الخليج اللى بعتى لهم الكام شحنة اللى فاتوا مش لسه موجودين؟

ع : ياعيب الشوم...أشتغل خدامة ياستى؟

س (بغضب) : أمال انتى ايه ؟

ع : أنا خدامتكم ياستى..بس ماعرفش أخدم غيركم

س : لا حاتعرفى... الخدام يفضل طول عمره خدام

..........................................................

ملحوظة : هذا الحوار ليس له علاقة بمحتوى الفيديو أعلاه.. وأى تشابه فى الأحداث أو المحتويات هو من قبيل الصدفة البحتة

ولكى الله يامصر

8 comments:

فتاه من الصعيد said...

وضع مخزي ومقرف

تحياتي لخيالك اللي هو موش خيال

تحياتي

بت خيخة وأي كلام said...

الحوار اللى انت متخيله يا محمد
صادم جدا
ومهين جدا
وذليل جدا


يا ساتر يارب
الهى يارب ما يحوج حد لاى حد

وحتى الناس الوحشين اللى ممكن يكونوا وحشين بسبب مراكزهم او نفوذهم ماتمنالهمش ابدا انهم يتذلوا كدة

عارف يا محمد
لنفترض ان الحوار ده حصل فعلا

اللى واجعنى هو ليه الناس اللى زى عيشة ما يعملوش حساب ليوم زى ده

ليوم ممكن يكونوا على شفا انهم ينطردوا برة بلاط القصر

ليه مايتقوش ربنا فى الناس اللى تحت منهم
علشان ربنا مايسلطش عليهم ناس تذل فيهم





بالنسبة للــلقطة نفسها ولشكل البوسة

انا كان ليا راى تانى خالص
وكتبته عند ابى
لما كتبت عن نفس الموضوع


يا اما انت تخطف رجلك وتروح تقراه عند ابى

يا اما قولى وانا ابقى اعملهولك كوبي وبيست


تحياتى ليك
اختك خيخة

مروة الزارع said...

ما أنا قولت يا جماعة

شكلهم واخدين بعض عن حب

لية الظلم بس

...

عامل اية يا محمد

يارب تكون بخير

اقصوصه said...

اممم

طيب

وصلت المعلومه!

Ibrahimsamir said...

دراسة ماجستير تتناول المدونات المصرية
بعد التحية،اسف للخروج عن مضمون التدوينة فى التعليق أنا اسمى إبراهيم سمير أعمل صحفى بمجلة الإذاعة والتليفزيون وأقوم بعمل رسالة ماجستير تحت عنوان "استخدامات الشباب المصرى للمدونات ومنتديات النقاش الإلكترونى على الإنترنت.. دراسة مسحية" وكما يظهر من عنوان الدراسة أنها تتعلق بالمدونات المصرية والتى ينشئها مدونون مصريون ولقد اخترت المدونة الخاصة بكم لتكون من ضمن المدونات التى يتم تضمينها بالدراسة ليتم دراستها وهناك جزء بالدراسة يتعلق بالقائم بالاتصال وهم المدونون المصريون ولذلك قمت بتصميم استبيان للتعرف على أنماط ودوافع استخدام المدونون المصريون لمدوناتهم واتمنى ملئ استمارة الاستبيان المرفقة مع الرسالة وهى الجزء الأهم بالدراسة واتمنى المساعدة فى دقة الإجابة للأسئلة حرصاً على دقة النتائج. والاستبيان يتكون من مجموعة من الأسئلة المتعددة الاختيارات يقوم المدون باختيار الإجابة الصحيحة وهناك أسئلة يمكن اختيار أكثر من إجابة وهى الأسئلة التى يرفق بها عبارة (يمكن اختيار أكثر من بديل) وهناك أسئلة يمكن أن تضيف الإجابة التى تراها من وجهة نظرك. وبعد الإجابة على الاسئلة تضغط على ايكونة submit.
ولقد ارسلت لك على الايميل الخاص بك الاستبيان ولكن لم يصلى الرد ارجو الدخول على الرابط الخاص بالاستبيان وتجيب عليه وهذا هو الرابط
http://spreadsheets.google.com/viewform?formkey=dHFZMENoU194OGpza0RzRUpaeXRWV1E6MA
ولك منى وافر التحية
إبراهيم سمير
صحفى بمجلة الإذاعة والتليفزيون
تليفونى 0128460141
ibrahimsamir@hotmail.com

واحد من العمال said...

حوار رائع ومعبر
أنت تنفع سيناريست
هيا دى مصر ياناس

تحياتى

Sonnet said...

حوار ممتع فعلا
مع تحياتي

ehabafndy said...

أنا دخلت عليك بالصدفه لما قريت تعليقك الجيد على حكماء آل فرعون و على فكره أنا جبت سيرة الموضوع ده فى مدونتى بس بشكل مختلف أدعوك إنك تقرأها و تقولى رأيك و شكرا لك أسلوبك رائع