ايه حكاية ائتلاف الثورة اللى قرر النهاردة مظاهرات مليونية كل حد وتلات وخميس وجمعة..طب والبلد تشتغل امتى؟ وايه محاكم شعبية تصدر أحكام لها قوة القانون والشعب ينفذها ؟ دى فوضى رسمى ياجماعة
عايزين يعملوا مظاهرات 4 أيام فى الأسبوع ويقول لك مابنعطلش الانتاج؟ ولو حد عارضهم يبقى خاين وعميل وأمن دولة وفلول النظام السابق...وطبعا المظاهرات دى لا مدارس حاتعرف تشتغل ولا جامعات ولا أى حتة...كل ده مش فى دماغهم... المفروض المظاهرات دى لو ...اندس جواها ناس زبالة الجيش مايحميش نفسه ولا يحمى البلد والا يبقى الجيش خاين
ده حتى لما الجيش اعتذر عمالين يقولوا اللهجة الناعمة دى ماتطمنش.. وناس تقول دى لهجة حسنى مبارك...والله من ساعة الزفت البلتاجى بتاع الاخوان ما اتكلم امبارح وأنا قلبى اتقبض...والله يسامحه محمد جبريل لولا انه حامل كتاب الله كنت دعيت عليه
وكله كوم وحكاية محاكم شعبية لها قوة القانون دى كوم تانى
دى بلطجة ثورية دى؟
نلغى القضاة كمان لو مش عاجبهم؟
يعنى ممكن وانت داخل شارعكم تلاقى شوية ناس تقول لك احنا المحكمة الشعبية وقررنا بقوة القانون طردك من بيتك والاستيلاء عليه
...يعنى رجعنا لأيام عاشور الناجى اسم الله عليه
No comments:
Post a Comment