مقتطفات فيسبوكية

الكنيسة تقول (رسميا) لرعاياها لازم تروحوا تقولوا لأ

عشان مصر ماتبقاش دولة اسلامية

هذا هو الموقف (الرسمى) للكنيسة كما قال رافائيل بنفسه

الأزهر ما أعلنش موقف رسمى مماثل

ده بس عشان الناس اللى بتبص من زاوية واحدة وعمالة تشير لنكات لحمد حسان ويعقوب

...لازم نعرف ان الكنيسة برضه موقفها كان غلط وكان غير ديموقراطى وغير وطنى

..http://www.youtube.com/watch?v=Wn4VnDJKLA4

.............................................................
عمرو حمزاوى فى كل مكان وكل لقاء

 حتى رئيس البورصة واقف جنبه عمرو حمزاوى

نفسى بجد أعرف

هو عمرو حمزاوى بيشتغل ايه فى البلد دى؟

...............................................................

هما دول الثوار اللى عايزين يشيلوا عمداءهم ورؤساء جامعاتهم

طبعا...دول ماينفعش معاهم غير لوسى وفيفى عبده

http://youm7.com/News.asp?NewsID=379037

.........................................................................

قلنا من الأول ان الجيش حايلزق فى الكرسى ماحدش صدقنا

http://www.almasryalyoum.com/node/375150

مصادر: اتجاه لتأجيل «الرئاسة» إلى يونيو 2012.. ولجنة ثالثة لحل خلافات «الإعلان الدستوري»

......................................................................

لكل المبهورين بأسامة القوصى

أسامة القوصى يشيد بحسنى مبارك ويدعو له بالبقاء ويصف الثورة

أنها فتنة الفيس بوك وأن الشباب مغرر بهم

http://www.youtube.com/watch?v=bgjoF7W9s6g&feature=related

.........................................................................

بيقول لك الشربتلى...يعنى سيتى ستار واللى منه

يعنى الرأسمالية الثورية ياجدع

http://www.youm7.com/News.asp?NewsID=377896&SecID=48

اليوم السابع

خالد يوسف يتزوج السعودية شاليمار الشربتلى

............................................................................

الواد والبت الجداد بتوع مصر النهاردة

البت بلدى قوى وعبيطة وعاملة زى نادية مصطفى

والواد الحليوة واخد قلم فى نفسه وعايش فى دور بروس بروسنان بتاع جيمس بوند

ياخوفى نترحم على أيام خيرى وتامر

.....................................................................................

احب اوضح نقطة مهمة جداً: ان دماء الشهداء متعلقة فى رقبة اللى قتلوهم مش فى رقبة الناس العادية .. علشان النغمة السافلة بتاعة احنا قدمنا شهداء والشهداء اجدع ناس واوعى تزايد على الشهداء وانت منزفتش وانت مامتلكش حد وانت مشفتش شهيد بيسقط جنبك ودمائه بتروى الأرض.. والكلام السافل بتاع " تجار الدم " اللى ملوا الشاشات اليومين دول .. حيقلب فى الاخر بنكد على الجميع

منقول باقتناع تام عن "رامز الشرقاوى

..............................................................................................

فى المهندسين...اشارة المصل واللقاح الكترونية...أضاءت باللون الأحمر فتوقفنا جميعا لمحت فى المرأة اليسرى سيارة بى ام تأتى من يسارى مسرعة يقودها شاب فى حدود منتصف العشرينات...كان واضحا من سرعته أنه لن يتوقف لذلك أشار له ضابط المرور المتواجد بيده الاشارة المعروفة للتوقف عند رجال المرور تجاوز الولد الاشارة مسرعا وأخرج يده اليسرى من نافذتها مشيرا للضابط باصبعه الوسطى تمتم الضابط وكأنه يحدث نفسه : كتر خيرك يامحترم يابن الناس ثم زفر زفرة حارة قائلا حسبى الله ونعم الوكيل أنزلت زجاج نافذتى ونظرت اليه قائلا : بجد أنا أسف وحقك علينا شكرنى الرجل بمرارة ولسان حاله يقول : مابقاش فى حقوق فى البلد دى خلاص ...

 ما أراه كل يوم فى الشارع والعمل والطريق وهنا على الفيسبوك يزيد من تصاعد احساسى بالخطر على الجميع

...................................................................................................

محمد حسين يعقوب وغزوة الصناديق

يحيى الجمل وغزوة ال 70 %


السلفيين وغزوة هدم الأضرحة


التوأم وبلطجية الوايت نايتس وغزوة استاد القاهرة


...هى السنة دى كلها غزوات ليه كده ؟


وكلها بدون غنائم كده ليه؟
............................................................................
ثورة 25 يناير أظهرت أفضل مافى الشعب المصرى وأسوأ مافيه

فمنذ 25 يناير وحتى تنحى مبارك فى 11 فبراير رأينا أفضل مافى الشعب المصرى

ومن بعدها حتى الأن ونحن نرى أسوأ مافيه

ياريتك ما اتنحيت بدرى يامبارك