Share |

December 3, 2007

الجيش يقتحم جزيرة القرصاية

ياخير أجناد الأرض....خلص الكلام

مش حاقدر أقول أكتر من نوارة..حقيقى مش قادر أصدق

هى ليه القيامة بتقرب قوى كده

رحمتك يارب

7 comments:

shorouk said شروق سعيد said...

هو ده اللى قادر عليه
كأنه داخل يفتح عكا
حسبنا الله و نعم الوكيل في اللي كان السبب

NIDAAL .R said...

بدل ما يروح يطرد الناس من بيوتهم
ما كان ياخد بتار الثلاثة جنود الى اتقتلوا برصاص اسرائيلى على الحدود
ولا كان راح يأدب الى كان بيقول انه هيضرب لنا السد العالى
استعباااااااااط و تواااااااااطؤ
مجهود جبااااااااااااار ربنا يبارك فيك

مروة الزارع said...

حسبى الله ونعم الوكيل

مدونة جميلة بجد انا زورتها مرتين بس ولسة مكتشفاها وإن شاء الله هزورك دايما

مروة الزارع said...

مرسى لزيارتك ليا وأنت حد زوق بس

خلى الأستاذ يقول إللى يقولة ماهى بقت (عزبة النخل مول)

احنا ولادك كلب ساكنين فى المطرية فى السوق حاجة سوفاااااااج ربش خالص

هعهعهعهعهع ههههههه هاااامئ

سامحة يارب ميعرفش

تحياتى ليك هستناك على طول

أدهم الصفتى said...

بص يا استاذ , انا ما انكرش انى اتفاجئت بردك على اسلوبى العنيف جدا معاك و فعلا انا زعلان و آسف انى رديت عليك بالأسلوب ده لأنى عارف انه اسلوب سافل
و انا باعتذر لك هنا على مدونتك و حاعتذر لك كمان عند مالك و عندى على المدونه لو تحب
عارف ايه اللى استفزنى كده
انك و انت بترد على مالك قلت الجمله اللى تخلينى ممكن ارد بالشكل اللى انت شفته ده
" ده كلام المسيحيين و العلمانيين"
لأنى اساسا باعتبر كل الناس زى بعض , مسلم مسيحى يهودى بوذى ملحد علمانى بيعبد زبادو خوخ
أى حد يعمل اى حاجه و مش بيحاول يفرضها على غيره
و انت طريقتك وكلامك عند مالك بتوضح انك واخد موقف من المسيحيين قبل العلمانيين
و
لأنى شايف انى مسلم و ان المسلم مفروض ينشر الأمان و يحمى اى مستضعف
و لأ نى شايف المسيحيين ف مصر مستضعفين وخايفين ل ذلك انا مقر ر ا صلا انى اخبى اصدقائى ال مسيحيين عندى لو حصل اى فعل قذر ضدهم و ادافع عنهم بال سلاح و فعلا حا هين الل ى يتعر ض ل هم بأ ى شكل
راجع انت نفسك لأن كلنا بنى ادمين و بلاش كلام عنصرى , انت بتغلط نفس غلطة الأمريكان المتعصبين و اللى انا مش شايف اى فرق بينهم و بين طالبان و القاعده فى التوحش و القذاره
و زيهم زى الحزب الوطنى السافل اللى من مصلحته اللى انت قلته عند مالك

و آسف مره تانيه على الأسلوب اللى مش محترم اللى رديت بيه فى الأول عند مالك
و فعلا انت انسان مؤدب

أدهم الصفتى

Unknown said...

أدهم الصفتى :-

بجد أنا سعيد بتشريفك ليا و بتعليقك عندى....اخوات يا سيدى وصافية لبن وان شاء الله تبقى بداية معرفة جيدة

نخش بقى فى الموضوع :-
الكلمة اللى كتبتها انت اجتزئتها من سياقها فبالتالى أسأت تفسيرها...أنا كنت باقول ان واقعة سجود الشعراوى شكرا عند النكسة واقعة غير مثبتة "يروجها أعداؤه من المسيحيين والعلمانيين زى محمد الباز وخالد منتصر و عادل حمودة"...وكلامى بالشكل ده مش عن عموم المسيحيين ولكن عن المسيحيين اللى بيكرهوا الشعراوى..تقدر تنكر ان فيه مسيحيين كتير بيكرهوا الشعراوى؟ أنا عن نفسى ماقدرش انكر ده زى برضه ما قدرش أنكر ان فيه مسيحيين أنا شخصيا أعرفهم بيحبوا الشعراوى ومسجلين كل حلقاته ....زى بالظبط ما كل الناس عارفة ان فيه مسيحيين كتير وقساوسة حافظين من القرأن أكتر مننا...فيه اللى يقول لك انهم بيعملوا كده عشان يطلعوا ثغرات فيه يهاجمونا بيها وفيه اللى يقول لك حافظينه لحلاوة نطقه وفيه اللى يقول لك حافظينه من باب دراسة الأديان زى ما بندرس عبرى مثلا فى الجامعة

القصد انى قصدت فقط المسيحيين اللى بيكرهوا الراجل وماقلتش عليهم أى حاجة أنا بس قلت انهم بيروجوا الحكاية دى عن الراجل...بالذمة فين العنصرية هنا؟
وعلى فكرة أنا ليا اتنين صحابى بقالهم أكتر من عشرين سنة مسيحيين ويعرفوا عنى أكتر من صحابى المسلمين و زوجاتهم صديقات لزوجتى..يعنى صداقة عائلية كمان....وهما نفسهم بيحكوا لنا ان فيه مسيحيين كتير و قساوسة كمان بيحرضوا ضد المسلمين زى ما فيه شيوخ للأسف لا أحترمهم بيقفوا فى صلاة الجمعة و أربع ميكروفونات شغالة ويشتموا فى المسيحيين رغم ان يمكن نص جيران الجامع مسيحيين

طبعا دى حاجة تقرف

أما العلمانيين فماعنديش مشاكل خالص معاهم...أنا مشكلتى الوحيدة مع أى حد يهين دينى أو رسولى بشكل مستفز أيا كانت ثقافته أو عقيدته...ولعلمك كل ده مش معناه انى شيخ ..أنا شخص عادى جدا..للأسف ماباصليش أكتر من الخمس فروض وماباصومش غير رمضان ووقفة عرفات و 90% من صلاتى فى البيت مش فى الجامع...يعنى ل أصنف الا تحت بند "مسلم بالكاد"...لكن بصراحة مالك استفزتنى لغته وأنا مش كنت بادافع عن الناس اللى هو هاجمهم قد ما كنت ولازلت باقول حاجة واحدة: " قول ان كل الناس-ماعدا الأنبياء- غلط..قول ان كلهم وحشين....قول كلهم مش عاجبينك.....لكن قولها بأدب..قولها بدون تطاول..قولها و معاك أسانيد و مستعد للنقاش المحترم..أو قولها بدون أدلة كانطباع شخصى و اقفل باب التعليقات

فى كل الأحوال لابد أن يكون هناك مساحة للحوار وخط رجعة مع الأخر

شكرا مرة أخرى لذوقك و تشريفك عندى وياريت تزورنى دايما ونتناقش زى ما حازورك دايما.

:كل سنة وانت طيب

عمر بوك ستورز said...

زورونـا تجدون ما يسركم
.
.
.
إيه رأيكم العيدية تبقى كتاب :) فكـرة مش كده ، ومش هتلاقوا كتب أرخص من عندنـا .....

كل الكتب بخصم يصل إلى 30% ، واسأل مجرب
:)


كل عام وأنتم كويسين